पेट्रोल–डिजेलको मूल्य बढेको विरोधमा प्रमुख प्रतिपक्षी भारतीय कांग्रेस आइसहितका दलले भारत बन्दको आह्न गरेका छन् । कांग्रेसले आयोजना गरेको बन्दमा २१ दलले समर्थन गरेका छन् ।
कयौं व्यापारिक तथा सामाजिक संगठनको समर्थन समेत भारत बन्दमा रहेको छ । भारत बन्दको प्रभाव देशभर परेको भारतीय सञ्चारमाध्यमहरुले जनाएका छन् ।
बिहारको केही क्षेत्रमा भएको सरकार विरोधी प्रदर्शन हिंसात्म भएको छ । केही स्थानमा आगजनी भएको छ भने रेलहरुलाई पनि रोकिएको छ । गाडीहरु तोडफोड गरिएका तस्वीरहरु भारतीय सञ्चारमाध्यमहरुले प्रकाशन गरेका छन् ।
रामलीला मैदानमा विपक्षीहरुले धर्न दिएका छन् जसमा सोनिया गान्धी, पूर्व प्रधानमन्त्री मनमोहन सिंह, राहुल गान्धी लगायत छन् । राहुल मानसरोवर यात्रा सकेर आन्दोलनको नेतृत्व गर्न स्वदेश पुगका छन् ।
मध्य प्रदेशको उज्जैनमा आन्दोलनकारीले पेट्रोल पम्पमाथि तोडफोड गरेका छन् भने केही स्थानमा प्रहरी र प्रदर्शनकारीबीच झडप भएको छ । भारत बन्दका कारण धेरै स्थानमा स्कूल, बजार, उद्योगहरु बन्द भएका छन् ।
मोदी सरकारले पेट्रोल डिजेलको मूल्य बढाएको र महंगी वृद्धि भएको भन्दै सर्वसाधारण आक्रोशित बनेका छन् । पछिल्लो केही हप्तामा डिजेल र पेट्रोलको भाउ लगातार बढीरहेको छ ।
देशको केही स्थानमा पेट्रोलको मूल्य ९० भारतीय रुपैयाँ पुगेको छ । भारतमा ग्यासको मूल्य पनि बढेको छ ।
मोदी सरकारले भने डलरको भाउ महंगीको कारण तेलको मूल्यमा बृद्धि आएको बताउँदै आएको छ ।
