सरकारले २ महिना १३ दिनमा (साउनदेखि असोज १३ गतेसम्म) १ खर्ब ४३ अर्ब ३० करोड ५१ लख रुपैयाँ राजस्व संकलन गरेको छ । राजस्व संकलन झण्डै डेढ खर्बको हाराहारीमा पुगेको छ ।
सरकारको प्राथमिकता राजस्व संकलन भए अनुरुपनै बजेट खर्चभन्दा राजस्व संकलन बढी भएको छ । यस अवधिमा बजेट खर्च १ खर्ब ३० अर्ब ५६ करोड ९७ लाख रुपैयाँ भएको महालेखा नियन्त्रकको कार्यालयले जनाएको छ । यो कुल बजेटको ९.९३ प्रतिशत खर्च हो ।
यस अवधिमा चालूतर्फ १ खर्ब २१ अर्ब १९ करोड ८५ लाख रुपैयाँ भएको छ । यो सम्पूर्ण खर्चमा १४.३४ प्रतिशत खर्च हो । पुँजीगततर्फ ८ अर्ब १८ करोड ७५ लाख रुपैयाँ भएको छ । यो भनेको सम्पूर्ण खर्चको २.६१ प्रतिशत हो । वित्तियतर्फ भने १ अर्ब १८ करोड ३७ लाख रुपैयाँ भएको छ ।
सरकारको बजेट बचतमा छ । खर्च र राजस्वको अनुपात हेर्दा १२ अर्ब ७३ करोड ५ लाख रुपैयाँ बचतमा छ । चालू आर्थिक वर्षको बजेट १३ खर्ब १५ अर्ब १६ करोड रुपैयाँको हो ।
