राष्ट्रिय जनता पार्टी (राजपा) नेपालका अध्यक्षमन्डलका सदस्य राजकिशोर यादवले बाराको निजगढमा अन्तर्राष्ट्रिय विमानस्थल बनाउने नाममा वन विनास गरी मधेसलाई मरुभूमिकरण गर्न खोजिएको आरोप लगाएका छन् ।
बिहीबार सप्तरीको राजविराजमा आयोजित पत्रकार सम्मेलनमा उनले रुख कटान कम हुने गरी वैकल्पिक स्थानमा विमानस्थल निर्माण गरिनुपर्ने बताए ।
वन विनास गरी विमानस्थल र चुरे विनास गरी सडक निर्माण गर्ने कार्यले मधेस मरुभूमिमा परिणत हुने उनको भनाइ थियो ।
देशमा बलात्कार, हत्या, हिंसा र भ्रष्टाचार मौलाउँदै गएकोप्रति उनले चिन्ता व्यक्त गरे ।
नेता यादवले मुलुकमा संघीयता नै समाप्त पारेर अर्को दुर्घटना निम्त्याउने षडयन्त्र भइरहेको आरोपसमेत लगाए ।
