राजनिती

प्रधानमन्त्रीले देशको शासन चलाउने क्षमता गुमाइसके- गगन थापा

'ओलीकाे पदमा बसिरहने राजनीतिक र नैतिक हैसियत छैन'

नेपाली कांग्रेसेका नेता गगन थापाले प्रधानमन्त्री केपी शर्मा ओलीले पदमा बसिरहने राजनीतिक र नैतिक हैसियत गुमाइसकेको बताएका छन् । बर्दियामा आइतबार आयोजित कार्यक्रममा सांसद थापाले निवर्तमान सञ्चारमन्त्री गोकुल बास्कोटाले सेक्युरिटी प्रिन्टिङ प्रेस खरिदमा ७० करोड घुस मागेको अडियोबारे प्रधानमन्त्रीलाई दुई महिना पहिले नै थाहा थियो भन्ने सुनेको बताए ।

त्यही प्रधानमन्त्रीले बास्कोटा जस्तो प्रतिभा आफ्नो सरकारमा अरु कोही छैन भनेको भन्दै उनले भने, ‘प्रधानमन्त्रीले भन्नुभयो, गोकुल बास्कोटा एकातिर, अरु मन्त्री अर्कोतिर राखेर तौलौं, गोकुल बास्कोटाले जित्नुहुन्छ । यसो भन्दै गर्दा प्रधानमन्त्रीले के के तौलिने भन्नु भएको, मान्छे कि जम्मा गरेको धन ?’

प्रधानमन्त्रीलाई थाहा भएर पनि यो हुनुको अर्थ प्रधानमन्त्री नै संलग्न भएको आफूहरुको दाबी भएको उनले बताए । उनले अघि भने, ‘तपाईं संलग्न हुनु भएकाले गोकुल बास्कोटा जति दोषी हो, तपाईं पनि त्यति नै दोषी हो ।’

‘प्रधानमन्त्रीले भन्नुहोला, मलाई थाहा थिएन । ठीक छ’ उनले अघि भने,‘जो व्यक्ति प्रधानमन्त्रीको सबैभन्दा नजिकको छ, प्राधनमन्त्रीकै घरमा बस्छ, सरकारको प्रवक्ता छ, उसले गरेको यत्रो घोटाला थाहा छैन भने थाहा चाहिँ के छ ?’

‘त्यसैले दुवै अवस्थामा आजको दिनमा उहाँसँग प्रधानमन्त्री हुने संख्याको ताकत होला तर नेपालको प्रधानमन्त्री हुने राजनीतिक र नैतिक हैसियत गुमाइसक्नु भएको छ । जतिदिन उहाँ प्रधानमन्त्री भएर रहनुहुन्छ, त्यति अवसर गुमाउँछौं ।’

प्रधानमन्त्रीलाई केही थाहा छैन

यसअघि आफूलाई प्रधानमन्त्रीले बोल्दा कतिपय कुरा ठट्टा गरेको, कतिपय ढाँटेको भन्ने लागेको तर हालै संसदमा गरेको लामो सम्बोधन सुनेपछि ढाँटेको होइन, केही थाहा नै छैन भन्ने निष्कर्षमा पुगेको थापाले सुनाए ।

उनले भने, ‘हाम्रो प्रधानमन्त्रीले ढाँट्नु भएको होइन, हाम्रो प्रधानमन्त्रीलाई केही थाहा नै छैन । थाहा पाउने क्षमता नै गुमाइसक्नुभयो । किन गुमाउनु भयो थाहा छैन । तर प्रधानमन्त्रीले थाहा पाउने क्षमता नै गुमाइसक्नुभएको छ ।’

‘प्रधानमन्त्रीले संसदमा उभिएर भन्नुभयो, २ अर्ब नेपालमा वैदेशिक लगानी आउँदैछ । यत्रो २ अर्बको लगानी प्रतिवद्धता भनेर जसले लेखिदियो, उसले के भनिदिएन भने प्रधानमन्त्रीजी तर गएको ६ महिनामा ६ अर्ब मात्र आयो । गएको वर्ष योभन्दा बढी बोलेका थिए । बोल्छन् तर दिँदैनन् भनेर कसैले भनिदिएन ।’

हिजो कोही हल्लिएको देख्दा राजाले यिनीहरुले दुधभात खान पाएनन् भनेर सोधे जस्तै अहिले प्रधानमन्त्री ओलीले कोही पनि बेरोजगार छैनन् भनेको उनले बताए ।

थापाले भने, ‘प्रधानमन्त्रीले विश्व बैंकको एउटा तथ्याङ्क पढेर भन्नुभयो, नेपाललाई विश्व बैंकले तारिफ गरेको छ । उद्यम गर्न चाहने महिलाहरुले उद्यम गर्न चाहेको देश मध्ये राम्रो भनेको ठाउँमा प्रधानमन्त्रीलाई कसैले भनिदिएन, गएको एक वर्षमा ऋण पाउने जम्मा महिला १६ सय मात्र हो । प्रधानमन्त्रीले भन्नुभयो, युवाहरुले सर्टिफिकेट राखेर ऋण पाएका छन् । प्रधानमन्त्रीलाई कसैले भनिदिएन, सर्टिफिकेट राखेर ऋण पाउने युवा जम्मा ३८ जना हो ।’

उनले अघि भने, यो सबैले के बताउँछ ? नेपालको प्रधानमन्त्रीको देशको शासन चलाउने क्षमता गुमाउनु भएको छ ।’

प्रधानमन्त्रीले संघीयतामा देश ठीक ढंगले चलेको छ भनेको भोलिपल्ट उहाँकै प्यारो मुख्यमन्त्री पृथ्वीसुब्बा गुरुङले संघीय सरकारकै कारण संघीय व्यवस्था डुब्यो भनेको उनले सुनाए । ‘राणाले जस्तो देश चलाएर हुँदैन प्रधानमन्त्रीजी भनेर डा. शेखर कोइरालाले भन्नु भएको होइन, पृथ्वीसुब्बा गुरुङले भन्नु भएको हो । तर प्रधानमन्त्रीको कानमा त्यो कुरा पुग्दैन’ थापाले भने ।

प्रधानमन्त्रीलाई देशमा के भइरहेको छ भन्ने नै थाहा नभएको भन्दै उनले भने, ‘प्रधानमन्त्रीलाई के लागिरहेको छ भने देशमा गजब भएको छ । सडकमा कोही नाङ्ग छैनन्, खान नपाएका, घरबार नभएका कोही छैनन् । सबैले रोजगारी पाएका छन्, आमाहरु खुसी छन्, बाहरु नाचिरहनु भएको छ भन्ने छ ।’

प्रधानमन्त्री ओलीले ढाँटेको नभई उहाँ आफैं दिग्भ्रमित भएको कांग्रेस नेता थापाको दाबी छ ।

सरकारसँग लसपस नगरौं

नेता थापाले पार्टी नेतृत्वलाई सरकारले यो गरेन यो गरेन, त्यो गरेन भन्ने मात्र नभई यो व्यवस्थाप्रति जनताको भरोसा टिकाइराख्नेतर्फ लाग्न सुझाएका छन् ।

कांग्रेसको चिन्ता नेकपाले दुई तिहाई ल्यायो भन्नेमा होइन, संविधान अनुरुप व्यवहार गर्‍यो कि गरेन ? यो व्यवस्था जोगिन्छ कि जोगिन्न भन्क्ने भएकोमा शेरबहादुर देउवादेखि तल्ल्लो कमिटीका सदस्य समेत प्रष्ट हुनुपर्ने उनले बताए । ‘तलदेखि स्थानीय तहसम्म सरकारसँग लसपस गर्‍यो भन्ने आरोप छ, कांग्रेस नेकपा सरकारको लसपसबाट पूर्ण रुपमा अलग रहनुपर्छ,’ सांसद थापाले भने ।

सरकारले राम्रो गर्दा मद्धत गर्ने र गल्ती गर्दा प्रश्न गर्ने हैसियत कांग्रेसले राख्नुपर्ने उनले बताए ।

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View all articles by
आइत, फाल्गुन ११, २०७६ (February 23, 2020, 4:59 pm) मा द्वारा प्रदेश नं- ५ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *

प्रतिकृया दिनुहोस

यो सामाग्री पढेर तपाईलाई कस्तो महसुस भयो ?

भर्खरै

धेरै कमेन्ट गरिएका

  1. २१ पदक जित्दै छैटाै सगरमाथा अन्तराष्ट्रिय कराते प्रतियाेगितामा नक्साल डाेजाे बन्याे च्याम्पियन : 2 प्रतिक्रिया
  2. पालैपालो यौनसम्पर्कपछि हत्या, मोबाइल ‘अन’ भएपछि पत्ता लाग्यो हत्यारा : 2 प्रतिक्रिया
  3. जन्मदिनको अवसरमा पत्रकार शाहि द्वारा सहारा घरमा बसिरहेकालाई लुगा वितरण : 1 प्रतिक्रिया
  4. ब्याटिङ कमजोर हुदा नेपालकाे लगातार दोस्रो हार : 1 प्रतिक्रिया
  5. कोरोना संक्रमण बढ्दै गएपछि कोरिया जाने कामदार पठाउन बन्द : 1 प्रतिक्रिया

ट्रेन्डिङ

  1. संकटमा पनि सेवा गर्नु निजि अस्पतालको दायित्व- लिला बिष्ट (संचालक लालरत्न अस्पताल)
    1. अन्तराष्ट्रीय मोहन्याल युवा समाज द्वारा मोहन्याल गाउपालिकामा १,७०० थान माक्स बितरण
      1. बेल्जियमबाट आएकी बागलुङकी एक युवतीमा कोरोना संक्रमण पुष्टि
        1. नेपालमा काेराेना संक्रमित संख्या ४ पुग्याे, धनगढीमा एक जना संक्रमित भएकाे पुष्टी
          1. नेपालमा भेटिए छैटौं कोरोना संक्रमित

          भिडियाे

          थप

          ‘पोई पर्यो काले’ अब युटुबमा, दर्शक खुशी

          सञ्चारमन्त्री गोकुलप्रसाद बाँस्कोटाकाे स्वीस कम्पनीको एजेन्टसँग घुसको बार्गेनिङ (अडियाे)

          ‘म यस्तो गीत गाउँछु २’ को ट्रेलर सार्वजनिक

          ‘सेल्फी किङ्ग’को ‘जिन्दगीको के छ र भर’ रिलिज

          सय यात्रु बोकेको विमान दुर्घटना, १४ जनाकाे मृत्यु