एजेन्सी । ब्राजिलका आइकन गत शुक्रबार अस्पताल भर्ना भएका छन् ।
निमोनियाले ग्रस्त भएपछि रियल म्याड्रिडका पूर्व फरवार्डलाई इबिजास्थित अस्पतालमा आइसीयूमा भर्ना गरिएको थियो ।
त्यसपछि उनलाई क्लिनिका नुइस्ट्रा सेनोरा डेल रोसारियो नामक निजी अस्पतालमा स्थानान्तरण गरिएको थियो ।
४१ वर्षीय खेलाडी अस्पताल भर्ना भएको खबर बाहिर आएपछि विश्वभरका उनका फ्यानहरु चिन्तित बनेका थिए । धेरैले समाजिक सञ्जालमा उनको शीर्ष स्वास्थ्यलाभको कामना गरेका थिए ।
आइतबार रोनाल्डोले आफ्नो आधिकारिक ट्वीटर एकाउन्टबाट ट्वीट गर्दै आफ्नो स्वस्थ्य स्थितिबारे पछिल्लो अपडेट प्रदान गरेका छन् ।
उनले शुक्रबार अस्पताल भर्ना भएको पुष्टि गर्दै अहिले स्वास्थ्यमा सुधार आएको बताएका छन् । ‘भोलि म डिस्चार्ज हुँदैछु र घर फर्कनेछु,’ उनले लेखेका छन् ।
उनले माया र सन्देशका लागि सबैलाई धन्यवाद दिएका छन् ।
स्पेनिस टापुमा रोनाल्डो यतिबेला छुट्टी मनाइरहेका छन् ।
