हतार कि लापरवाही ?

काेराेना नेगेटिभ भन्दै घर पठाएकालाई संक्रमण देखिनु लावरवाही कि हतार ?

घनगढीकी चौथो संक्रमितलाई पनि घर पठाइसकेपछी काेराेना पुष्टी देखिएकाे थियाे

यापिड टेष्टमा नेगेटिभ आएकाे भन्दै घर पठाइएकी कैलाली, लम्किचुहाकी एक महिलामा कोरोना भाइरस (कोभिड–१९) को संक्रमण पुष्टि भयाे । याे दाेस्राे घटना हाे, पुर्ण रूपमा ढुक्क नभएरै घर पठाएकाे । यस अघि पनि घनगढीकी चाैथाे संक्रमितलाई यसैगरी संक्रमणकाे लक्षण नदेखिएकाे भन्दै घर पठाइएकाे थियाे र पछी काेराेना पुष्टि भएकाे थियाे ।

आज ६५ वर्षीया महिलामा पीसीआर बिधिबाट गरिएको परीक्षणमा कोरोना संक्रमणको पुष्टि भएको स्वास्थ्य मन्त्रालय स्रोतले जनाएको छ। तर उनलाई पनि र्‍यापिड टेष्ट किटबाट परीक्षण गर्दा नेगेटिभ देखिएकाे थियाे र उनलाई घर पठाइएकाे थियाे ।

उनी वीरगञ्ज नाकामा चिया बेच्थिन् । उनीसहित १७ जना चैत ९ मा मात्र कैलालीको लम्की पुगेका थिए । स्थानीय जनप्रतिनिधिले सबैलाई लम्की बहुमुखी क्याम्पसको क्वारेन्टाइनमा राखेका थिए । उनीहरूले नेपालबाटै आएका हौं, घरमै बस्छौं भनेका थिए तर जन प्रतिनिधीले हुँदैन भनेर क्वारेन्टाइनमा राखेका थिए ।

क्वारेन्टाइनमा बसेकाहरुको र्‍यापिड टेष्ट किटबाट परीक्षण गरिएको थियो । रिपोर्ट नेगेटिभ आएपछि उनीहरुलाई २८ चैतमा घर पठाइयो । उनी पनि भुरूवास्थित आफन्त कहाँ गएकी थिइन् ।

तर पीसीआर बिधिबाट गरिएको परीक्षणमा कोरोना संक्रमण पुष्टि भयाे । अब उनीहरु सबैलाई फेरि क्वारेन्टाइनमा राख्ने तयारी भइरहेको छ ।

कोरोना संक्रमण देखिएन भनेर घर पठाइएको व्यक्तिलाई कोरोना संक्रमण पुष्टि भएको याे कैलालीको दोस्रो घटना हो । यसअघि चौथो संक्रमितको आफन्तलाई पनि सुरुमा क्वारेन्टाइनमा राखेर कोरोनाको लक्षण नदेखिएको भन्दै घर पठाइएको थियो । तर पछि परीक्षण गर्दा उनमा कोरोना संक्रमण पुष्टि भएको थियो । याे हुनु र दाेहाेरिनु निकै जाेखिमपुर्ण हाे । यसरी घर गएका झन ढुक्क साथ घर व्यावहारमा फर्किने सम्भावना हुन्छ । जसकाे चुनाैति कति बढी हाेला ?

याे गल्ती दाेहाेरिनु हुदैन । केही समय थप क्वारेन्टाइनमा राखेर पुर्णरूपमा निर्क्याैल गरेर मात्र घर पठाउनु पर्ने र यसका लागी थप तयारी र हाेसियार गर्नुपर्ने देखिएकाे छ ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View all articles by
सोम, बैशाख १, २०७७ (April 13, 2020, 12:35 pm) मा द्वारा काेभिड-१९ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै