सुदुरपश्चिम

कैलालीका थप २ जना र दार्चुलाका एक जनामा कोरोना संक्रमण पुष्टि

कैलालीको जानकी गाउँपालिकाको सरस्वती मावि क्वारेन्टाइनमा रहेका थप दुई जनामा कोरोना भाइरसको सक्रमण पुष्टि भएको छ ।बिहीबार सेती अस्पतालको प्रयोगशालामा गरिएको परीक्षणमा थप २ जनामा कोरोना संक्रमण पुष्टि भएको सुदूरपश्चिम स्वास्थ्य निर्देशनालयका स्वास्थ्य निरीक्षक हेमरान जोशीले जानकारी दिए । यसअघि सोही क्वारेन्टाइनका ४ जनाको पोजिटिभ आएको थियो ।

जेठको पहिलो साता भारतबाट आएका १६ जनाको समूहमा ६ जनामा कोरोना पोजिटिभ देखिएको हो । अन्य १० जनाको नेगेटिभ रिपोर्ट आएको छ । संक्रमितहरुलाई टीकापुर अस्पताल पठाइएको जानकी गाउँपालिकाका स्वास्थ्य संयोजक भरत मल्लले बताए ।

त्यस्तै दार्चुलामा पनि पहिलो पटक कोरोना भाइरसको संक्रमण देखिएको छ । दार्चुलाको महाकाली नगरपालिकाका एक जना पुरुषमा संक्रमण पुष्टि भएको स्वास्थ्य निरीक्षक जोशीले जानकारी दिए । संक्रमित व्यक्तिलाई दार्चुला अस्पताल लगिएको पनि जोशीले जानकारी दिए ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
बिहि, जेष्ठ १५, २०७७ (May 28, 2020, 12:16 pm) मा द्वारा काेभिड-१९ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै