गोर्खा सैनिक

भिक्टोरिया क्रस पाउने पहिलो नेपाली कुलवीर थापाको लण्डनमा सालिक बन्‍ने

थापाले विश्वयुद्धमा घाइते एक ब्रिटिश र दुई गोर्खा सैनिकलाई बचाएर भिक्टोरिया क्रस पाएका थिए

भिक्टोरिया क्रस (भिसी) पाउने पहिलो नेपाली कुलवीर थापाको सालिक बन्‍ने भएको छ । बेलायती सेनाका अधिकृतहरुको प्रशिक्षणका लागि प्रख्यात ‘रोयल मिलिट्री एकेडेमी स्यान्डहर्सट’ नजिक अल्डरसटमा सालिक बन्‍ने भएको हो ।

थापाले प्रथम विश्वयुद्धमा घाइते एक ब्रिटिश र दुई गोर्खा सैनिकलाई बचाएर बेलायत सरकारको सम्मानित पदक पाएका थिए । सालिकको आकृति पनि भिसी थापाले घाइते सैनिक बोकेको हुनेछ ।

ग्रेटर रसमोर नेपलिज कम्युनिटीले प्रिन्सेस गार्डेन अल्डरसटमा बनाउन लागिको सालिकका लागि स्थानीय रसमोर बरो काउन्सिलले स्वीकृति दिइसकेको छ । काउन्सिलले जग्गा र सालिक निर्माणपछि रेखदेख गर्ने जिम्मेवारी समेत लिएको छ । कम्युनिटीले काउन्सिललाई सन् २०१५ मै निवेदन दिएको थियो ।

सालिकका लागि हेडक्वार्टर ब्रिगेड अफ गोर्खाज्, दि गोर्खा ब्रिगेड एसोसिएसन र गोर्खा संग्रहालयले पनि अनुमति दिइसकेको गोर्खा मेमोरियल प्रोजेक्टका संयोजक मेजर रिटायर्ड खिम गौचनले जानकारी दिए । यसको अनुमानित लागत एक करोड ८० लाख रुपैयाँ छ । चन्दा संकलनबाटै आउँदो अगष्टसम्म सालिक बनाइने लक्ष्य राखिएको छ । कलाकार यमी गुडम्यानले सालिक निर्माणको जिम्मा लिएकी छन् ।

आइतबार प्रोजेक्टबारे जानकारी दिन आयोजित एक पत्रकार सम्मेलनमा करिब २३ हजार पाउण्डको प्रतिबद्धता आइसकेको छ ।

थापाले भारतीय सेनामा सेवारत रहँदा २६ वर्षको उमेरमै भिक्टोरिया क्रस पाएका थिए ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View all articles by
सोम, माघ २०, २०७६ (February 3, 2020, 2:35 pm) मा द्वारा प्रवास अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै