विकाश र युवा

सम्बन्धित निकायले चाँसाे नदिएपछी सडकका खाल्डा पुर्दै लम्किका युवा

महेन्द्र राजमार्गकाे कैलाली भित्र पर्ने सडकखण्डमा सवारी गुडाउनै मुस्किल हुनेगरी खाल्डाखुल्डी भए पनि सरकारी निकायले चासाे नदेखाएपछी स्थानिय युवाहरू आफै खाल्डा पुर्न लागिपरेका छन । चिसापानी- अत्तरिया सडकखण्डमा भएका सयाैं खाल्डाहरूका कारण दुर्घटनाकाे जाेखिम समेत बढेकाे भन्दै जनताले गुनासाे गर्दै आए पनि सरकारले ध्यान नदिए पछी लम्किका स्थानिय युवाहरू नै खाल्डा पुर्ने काममा अग्रसर भएका हुन ।

पुर्व-पश्चिम राजमार्गकाे कैलालीको लम्की क्षेत्रमा रहेका खाल्डा खुल्डी लम्किका युवाहरुले नै पुर्न सुरू गरेकाछन। सडकमा भएका खाल्डाखुल्डीले दुर्घटनाको जोखिम बढिरहेको र सवारी गुडाउनै मुस्किल भएकाले आफुहरुले खाल्डा पुरेको हाम्रो लम्की कैलाली क्लबका अध्यक्ष सन्तोष बुढाले बताए।

पुर्व लम्की देखि लम्की चौराहसम्मका सम्पुर्ण खाल्डा पुर्ने काम सकिएकाे समेत बुढाले जानकारी दिए । बाँकी लम्की क्षेत्र भित्रका खाल्डाहरू क्रमशः ग्राभेल हाल्दै जाने अर्का युवा राज शाहिले बताए ।

सडकका खाल्डा पुर्ने काम सडक डिभिजनको भए पनि लक डाउनको कारण र मजदुर अभाव भन्दै पन्छिदै आएको छ । यता स्थानिय सरकार हाइवे क्षेत्रका खाल्डा पुर्ने काम आफ्नो नभएको बताउदै आएको छ । सरकार र सम्बन्धित पक्षलाई झक्झकाउन आफुहरुले खाल्डा पुरेको युवाहरु बताउछ्न ।

चैत ११ गतेदेखि जारी लकडाउन खुकुलो भएसंगै राजमार्गमा सवारी साधन गुड्ने क्रम पनि बढेको छ। तर ठाउँ–ठाउँमा परेका खाल्डाखुल्डीले आवातजावात गर्न मुस्किल हुने गरेको छ।

कैलालीको अत्तरिया चौकीडाँडादेखि कर्णाली चिसापानी सम्मको ८० किलोमिटर सडक मर्मतको काम रोकिएको छ । लकडाउनका कारण देखाउदै राजमार्ग मर्मतको काम सुरु नभएको सडक डिभिजन कार्यालय महेन्द्रनगरका प्रमुख अर्जुन कुमार बमले बताउनु भयो ।

सडकमा परेका खाल्डाखुल्डीको मर्मत नहुदा दुर्घटनाको जोखिम बढेपनि काम सुरु गर्न ढिलाई भईरहेको छ। तीन वर्षका लागि सडक मर्मत गर्ने जिम्मेवारी पाएको कालिका जोशी जेभीले एक एक वर्ष मात्रै काम गरेको छ।

याे पनि

यो सामाग्री पढेर तपाईलाई कस्तो महसुस भयो ?

रमित पाण्डे

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
शुक्र, भदौ १२, २०७७ (August 28, 2020, 6:53 pm) मा द्वारा प्रदेश नं- ७ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै