कलंकी-नागढुंगा क्षेत्रमा आज दिनभर विद्युत कटौती हुने

सडक निर्माण कार्यलाई सहयोग गर्ने उद्देश्यले नेपाल विद्युत् प्राधिकरणले कलंकी-नागढुंगा सडकखण्ड आसपास आज दिनभर विद्युत कटौती गर्ने भएको छ।

प्राधिकरणले एक सूचनामार्फत स्यूचाटार सवस्टेसनबाट प्रवाहित हुने विद्युत कटौती गर्न लागेको हो।

प्राधिकरणका अनुसार आज बिहान १० बजेदेखि बेलुका ५ बजेसम्म विद्युत कटौती हुनेछ। कलंकी-नागढुंगा सडकखण्डको ढुंगेअड्डादेखि तीनथाना बस बिसौनीसम्म प्रसारण लाइन सार्नुपर्ने भएकाले स्युचाटार सब स्टेसनबाट सञ्चालित बलम्बु फिडरबाट आपूर्ति हुने तीनथाना, नैकाप, सतुंगल लगायतका स्थानमा विद्युत कटौती हुने भएको हो।

तोकिएको समयभन्दा अगावै कार्य सम्पन्न भएको अवस्थामा ५ बजेभन्दा अगावै लाइन सञ्चालन गर्न सकिनेसमेत प्राधिकरणले जनाएको छ।

सडक निर्माण गर्ने ठेकेदारलाई अविलम्ब कार्य सम्पन्न गर्ने दबाब बढेपछि पछिल्लो समयमा २४ घन्टा नै सो क्षेत्रमा सडक निर्माणको काम भइरहेको छ।

यो सामाग्री पढेर तपाईलाई कस्तो महसुस भयो ?

View all articles by
सोम, अशोज २२, २०७५ (October 8, 2018, 12:20 pm) मा द्वारा जनजीविका अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै