कांग्रेसकाे प्रश्न- विप्लवको पार्टी आतंकवादी कि राजनीतिक पार्टी ?

काठमाडौं । प्रमुख विपक्षी दल नेपाली कांग्रेसले नेत्रविक्रम चन्द विप्लव नेतृत्वको नेकपाबारे सरकारको धारणा मागेको छ ।

राष्ट्रियसभाको बुधबारको बैठकमा कांग्रेस सांसद जितेन्द्र देवले नख्खुमा एनसेल मुख्यालयमा भएको बम विस्फोटको विरोध गर्दै घटनाको जिम्मा लिएको विप्लवको पार्टीबारे सरकार र सत्तारुढ पार्टी नेकपाको धारणा मागेका छन् । उनको प्रश्न छ, ‘विप्लवको पार्टी आतंकवादी पार्टी हो कि राजनीतिक पार्टी हो ? वा पार्टी राजनीतिक र कामकारबाही आतंकवादी हो ?’

सरकार र सत्तारुढ नेकपाले विप्लवलाई हेर्ने दृष्टिकोण तत्काल सार्वजनिक गर्नुपर्ने उनको माग छ । विप्लवलाई सरकार र प्रमुख पार्टीहरुले सतही रुपमा मात्र हेरे मुलुक अर्को द्वन्द्वमा फस्नसक्ने उनको विश्लेषण छ ।

उनले बन्दुकको नालबाट मात्र सत्ता प्राप्त हुन्छ भन्ने सिद्धान्त कम्युनिस्ट आन्दोलनभित्र किन पैदा हुन्छ भनेर आत्मनिरीक्षण गर्ने बेला आएको बताए ।

सरकार र नेकपाको कोर लिडरसिप सैद्धान्तिक अन्यौलमा रहेको भन्दै उनले भने, ‘नेकपा र कोर लिडरसिपले आफ्नो धारणा सार्वजनिक गर्नैपर्छ । नेपालमा हिंसा होइन, शान्तिपूर्ण रुपमा अन्य दलसँग प्रतिपर्धा गर्छौ र शान्तिपूर्ण रुपमा सामाजिक रुपान्तरण गर्छौं भन्ने प्रतिवद्धता गर्नैपर्छ ।’

कांग्रेस सांसद देवले राजनीतिक समस्या समाधान भइसक्यो भन्ने प्रधानमन्त्री केपी शर्मा ओलीको अभिव्यक्ति गलत भएकोसमेत दावी गरे । कांग्रेसको महासमिति बैठकले नै संविधान संशोधन गर्न माग गरेको स्मरण गराउँदै उनले भने, म प्रधानमन्त्रीलाई भन्न चाहन्छु, त्यो दृष्टिकोण त्याग्नुस् र संविधान संशोधनमार्फत मूलधारमा आउन चाहनेलाई समेट्नुस् ।’

यो सामाग्री पढेर तपाईलाई कस्तो महसुस भयो ?

View all articles by
बुध, फाल्गुन १५, २०७५ (February 27, 2019, 2:17 pm) मा द्वारा भिजन टेष्ट अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै