नेकपा विवाद

ओली र प्रचण्ड मिल्ने संकेतले नेपाल चिन्तित, वार्तामा वरिष्ठ नेता राख्न माग

ओली र प्रचण्ड मिले आफूहरु पेलानमा पर्ने भन्दै नेपाल समूहकाे वार्तामा वरिष्ठ नेताहरुलाई पनि राखिनुपर्ने माग

प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच छलफल अघि बढेसंगै नेकपा विवाद यस अघि जस्तै सहमतीमा टुङ्गिने संकेत देखिएपछी वरिष्ठ नेता माधवकुमार नेपाल पक्ष सशंकित भएकाेछ ।

नेकपाको विवाद समाधानका लागि आज पुनः अध्यक्ष एवं प्रधानमन्त्री केपी शर्मा ओली र प्रचण्डबीच छलफल हुँदैछ। अध्यक्षद्वयको छलफलको समय भने निर्धारण भइनसकेको प्रचण्डको सचिवालयले जनाएको छ।

सहमतिको खाकासहित आज अध्यक्षद्वयबीच छलफल हुने जनाइएको छ। यस अघि हिजो ओली र प्रचण्डबीच भएको वान टु वान वार्ता सकारात्मक भए पनि बिना निष्कर्ष टुंगिएको थियो।

अनौपचारिक कार्यदलले तयार पार्ने सहमतिको खाकासहित आज अध्यक्षद्वयबीच वार्ता हुन लागेको स्रोतले जनाएको छ। आज जसरी पनि अध्यक्षद्वयबीच सहमति गराउने प्रयासमा नेताहरु लागेका छन्। आज सहमति भए भोलि स्थायी कमिटी बस्ने छ। असार १० गतेदेखि जारी स्थायी कमिटी बैठक पटक पटक स्थगित हुँदै आएको छ।

नेकपा नेताहरु विष्णु पौडेल, शंकर पोखरेल, जनार्दन शर्मा र वर्षमान पुनलाई गृहकार्य गर्ने र सहमतिको खाका बनाउने जिम्मा दिइएको छ। कार्यदल भनेर घोषणा नै नगरेपनि चार जनाको टोलीलाई अरु नेतासँग समेत बसेर सहमतिको खाका बनाउने जिम्मा दिइएको थियो। ती नेताहरुले बनाएको सहमतिको खाकाका आधारमा शीर्ष नेताबीच छलफल हुने भएको हो।

यसैबीच ओली र प्रचण्डबीच संवादको वातावरण बनिरहेका बेला वरिष्ठ नेता माधवकुमार नेपाल पक्षले भने आशंका व्यक्त गरेको छ। पहिले जस्तै दुई अध्यक्षबीच सहमति भएमा आफूहरु पेलानमा पर्ने भन्दै नेपाल समूहले वार्तामा वरिष्ठ नेताहरुलाई पनि राखिनुपर्ने जनाएको छ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
मङ्ल, असार २३, २०७७ (July 7, 2020, 8:15 am) मा द्वारा भिजन टेष्ट अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै