महिला विश्वकप सेमिफाइनल समीकरण पूरा, समूह ‘ए’ बाट वेष्ट इन्डिज र इंग्ल्यान्ड छनोट

काठमाडौं । आईसीसी टि–ट्वान्टी महिला विश्वकप क्रिकेटको सेमिफाइनल समीकरण पूरा भएको छ ।

सोमबार बिहान इंग्ल्यान्ड र घरेलु टोली वेष्ट इन्डिजबीचको नतिजासँगै सेमिफाइनल समीकरण पूरा भएको हो । घरेलु टोली वेष्ट इन्डिजले इंग्ल्यान्डलाई ४ विकेटले पराजित गर्दै समूह ए को विजेता बन्दै सेमिफाइनलमा पुगेको हो । इंग्ल्यान्ड पनि समूह ए को उपविजेता बन्दै सेमिफाइनलमा पुगेको छ ।

११६ रनको सामान्य चुनौति पछ्याउँदै ब्याटिङ गरेको वेष्ट इन्डिजले १९.३ ओभरमा ६ विकेटको क्षतिमा लक्ष्य भेटायो । यसअघि टस हारेर पहिले ब्याटिङ गरेको इंग्ल्यान्डले निर्धारित २० ओभरमा ८ विकेटको क्षतिमा ११५ रन बनाएको थियो ।

वेष्ट इन्डिजले समूह ए को चार खेलमा शतप्रतिशत जित हात पार्दै ८ अंक बनाएर सेमिफाइनल पुगेको हो । इंग्ल्यान्डले पनि ४ खेलबाट ५ अंक बनाएर सेमिफाइनलमा आफ्नो स्थान सुरक्षित गरेको हो ।

फाइनल प्रवेशको लागि अब वेष्ट इन्डिजले समूह बी को उपविजेता बनेको अष्ट्रेलियासँग प्रतिस्पर्धा गर्नेछ । तयस्तै, अर्को सेमिफाइनलमा समूह बी को विजेता भारतले इंग्ल्यान्डसँग प्रतिस्पर्धा गर्नेछ ।

यो सामाग्री पढेर तपाईलाई कस्तो महसुस भयो ?

View all articles by
सोम, मंसिर ३, २०७५ (November 19, 2018, 9:27 am) मा द्वारा खेलकुद अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै