कैलालिको लम्किचुहा नगरपालिका वडा नम्बर ६ ले आज सार्बजनिक सुनुवाइ गरेको छ ।
वडामा संचालन गरिएका क्वारेन्टिन ब्यबस्थापनको खर्च बारे सबैलाई जानकारी दिन सार्वजनिक सुनुवाइ गरिएको वडा अध्यक्ष नेत्र सुनाखरी मगरले जानकारी दिनु भएको छ ।
भारत तथा तेस्रो मुलुक बाट आएकाहरु लाई विभिन्न ठाउमा १० स्थानमा क्वारेन्टिन निर्माण गरि राखिएको थियो ।
जसमा ४८३ पुरुष र १२८ महिला गरि जम्मा ६११ जना लाई वडाले क्वारेन्टि बनाइ ब्यबस्थापन गरेको थियो ।
आज सम्म यसको ब्यबस्थापनमा ३१ लाख ९ हजार ९९ रुपैया खर्च भएको वडा अध्यक्ष मगरले बताउनु भयो ।
अन्य ठाउँमा क्वारेन्टाइन मापदण्ड अनुसारको नभएको गुनासो आए पनि वडा नम्बर ६ मा भने राम्रो भएको वडा कार्यालयले बताएको छ ।
खर्चको विवरण पारदर्शी भएको र कसैले बुझ्न चाहेको खण्डमा सम्पुर्ण बिल आफुहरुले उपलब्ध गराउने वडा कार्यालयको भनाइ छ ।
कार्यक्रममा लम्किचुहा नगरपालिका र बर्दगोरिया गाउपालिकाका सन्चारकर्मी र स्थानीयको सहभागीता रहेको थियो ।