रुपन्देहीको गैडहवा गाउँपालिकामा मृत फेला परेकी एक किशोरीलाई आफ्नै प्रेमीले हत्या गरेको प्रहरीको प्रारिम्भक अनुसन्धानले देखाएको छ ।

गौडहवा गाउँपालिका १, साविक साँडीका गाविस भुझाउलीकी १९ वर्षीया किशोरी सवनाम निशा बैशाख १ गते (बुधवार ) विहान कुलोमा मृत भेटिएकी थिईन् ।

रुपन्देही जिल्ला प्रहरी प्रमुख एसपी ह्दय थापाका अनुसार हत्या आशंका गरिएका र प्रेमी भनिएका एक युवा घटनालगत्तै फरार छन् । फरार हुनेमा २२ वर्षका असरुद्दिन मुसलमान रहेको रुपन्देही प्रहरीले जनाएको छ ।

सोधपुछका लागि ६० वर्षीया उनकी आमा मवाकुन निशा र २० वर्षका छोरा उजिउद्दिन मुसलमानलाई प्रहरीले नियन्त्रणमा लिएको छ । शव भेटिएको स्थानबाट उनीहरुको घर मात्र १ सय २० मिटर टाढा छ ।

युवती वैशाख ३० गतेबाट बेपत्ता थिइन् । यस घटनाले अहिले गाउँ तनावग्रस्त बनेको छ ।

मृतक किशोरीका छिमेकीहरुले उनका प्रेमीको घर जलाई दिन्छौँ भन्दै बिहीबार प्रदर्शन गरेका छन् । ‘हत्या उनकै प्रेमीले गरेको आशंकामा घर जलाइदिन्छौँ भन्दै स्थानीय आक्रोसित छन्,’ गाउँपालिका प्रमुख केवटले भने, ‘संयम रहन हामीले आग्रह गरी सामन्य पार्ने प्रयास गरेका छौँ । प्रहरीलाई स्वतन्त्र भएर अनुसन्धान गर्न दिन आग्रह गरेका छौं ।’

रुपन्देहीका प्रहरी प्रमुख हृदय थापाका अनुसार ती प्रेमी भनिएका युवा घटना लगत्तै फरार छन । ‘काठमाडौं पठाईएको उनको पोष्टमार्टम रिर्पोट अझै आई पुगेको छैन’ एसपी थापाले भने, ‘प्रारिम्भक अनुसन्धानले उनको हत्या भएको देखाउँछ ।’