काठमाण्डाै ।
राष्ट्रिय अनुसन्धान विभागका कर्मचारीले निषेधित काम गरेमा सात वर्षदेखि जन्मकैदसम्मको कडा सजायको प्रावधान राखिएको छ ।
मुलुकको गुप्तचर निकायका रूपमा रहेको विभागलाई नियमन र सञ्चालन गर्न ल्याइएको नेपाल विशेष सेवाको गठन र सञ्चालनसम्बन्धी कानूनलाई संशोधन र एकीकरण गर्न बनेको विधेयकमा यस्तो व्यवस्था गरिएको नेपाल समाचारपत्रमा खबर छ ।
समाचार अनुसार, विधेयक अति गोप्य सूचना, इन्टेलिजेन्स प्रतिवेदन, अति गोप्य कागजातको कुनै प्रलोभनमा परी बेचबिखन गरी गोप्यता भंग गरेमा आफ्नो जिम्मामा रहेका हातहतियार लिई भागेमा वा दुरुपयोग गरेमालगायत अपराधमा जन्मकैदसम्म हुने प्रावधान राखिएको छ ।
