काठमाण्डाै ।
लोकसेवा आयोगले कोरोना भाइरस (कोभिड १९) ले सिर्जना गरेको स्वास्थ्य संवेदनशीलतालाई मध्यनजर गर्दै शनिबारदेखि हुने सबै परीक्षा रोक्ने निर्णय गरेको छ ।
आयोगले बिहीबार सूचना जारी गर्दै निजामती सेवा, सुरक्षा निकाय र संगठित संस्थातर्फको लिखित परीक्षा अर्को सूचना नभएसम्मका लागि स्थगित गरेको जनाएको हो ।
आयोगका उपसचिव एकनारायण शर्माले हस्ताक्षर गरेको सूचनामा बिहीबारको निर्णयबाट परीक्षा स्थगित भएको उल्लेख छ ।
