काठमाण्डाै ।
कर्णालीमा सबैभन्दा बढी संक्रमित भेटिएकाे दैलेखमा मंगलबार १ सय ८४ जनाले कोरोना जितेका छन्। दुल्लु अस्पतालबाट २७ जना र दैलेख अस्पतालबाट १ सय २० जना डिस्चार्ज भएका हुन्।
११ वटा स्थानीय तह रहेको दैलेखमा कर्णालीकै पहिलो संक्रमित आठबिस नगरपालिकामा भेटिएका थिए।
जिल्लामा हालसम्म नारायण नगरपालिकामा संक्रमितको संख्या धेरै छ भने दोस्रो बढी संक्रमीत नौमुले गाउँपालिका हो।
स्वास्थ्य सेवा कार्यालय दैलेखका अनुसार मंगलबारसम्म दैलेखमा कोरोना संक्रमितको संख्या ६३३ पुगेको छ। तीमध्ये ५ सय ९३ जना पुरुष छन्।
कोरोना जित्नेहरूमा १ सय ९९ जना कोरोनाका बिरामी रहेको नारायण नगरपालिकाबाट हालसम्म ४ महिला र १ सय ४१ जना पुरुष कोरोना संक्रमणबाट निको भएका छन्।
७२ जना संक्रमित रहेको दुल्लुमा हालसम्म २ जना महिला २७ जना पुरुष गरी ३४ जनाले कोरोना जितेका छन्।
६८ जना कोरोनाका बिरामी रहेको डुंगेश्वर गाउँपालिकामा १ जना महिला र २ जना पुरुष गरी ३ जनाले कोरोना जितेका छन्।
हाल सम्म २ जना पुरुषमा कोरोना पुष्टि भएको गुरास गाउँपालिकामा दुबै जनाले कोरोना जितेर घर गएका छन्।
