गत शनिबार नेपाल प्रवेश गरेको सलह कीरा कैलालीको लम्कि पुगेको छ । लम्किचुहा नगरपालिका वडा नम्बर-१ थकालिपुरको बारिमा सलह देखिएको स्थानिय लक्ष्मी रावलले जानकारी दिनु भयो ।

रावलले सलहलाई आफुहरुले मारेर एक किलो जति राखेको पनि बताउनु भयो । सर्लाही, बारा र पर्सा, रूपन्देही, कपिलवस्तु र पाल्पा, नवलपरासी, अर्घाखाँची र दाङ स्याङ्जा, कास्की, पूर्वी नवलपरासी, गोरखा मकवानपुर, चितवन, सिन्धुली, काभ्रे र ललितपुर लगायतका जिल्लाहरूमा सलह देखिसकेको छ ।

सलह आज हावासँगै पश्चिमतिर सरेको हुन सक्ने विज्ञहरुले बताएका छन् । अफ्रिकी देशबाट भारत हुँदै बिहारबाट नेपालसम्म पसेको हो ।