लम्की,कैलाली ।
ऐश्वय सामुदायिक बन उपभोक्ता सामुदायिक बनको छैटौं वार्षिक साधारण सभा एक कार्यक्रमका बिच सम्पन्न भएको छ । सामुदायिक बनका अध्यक्ष केशव बहादुर शाहीको सभापतित्वमा भएको कार्यक्रमको प्रमुख अतिथी कैलाली क्षेत्र नम्बर २ का प्रदेश सांसद रतन थापा रहनु भएको थियो ।
कार्यक्रममा बोल्दै प्रमुख अतिथी सांसद रतन थापाले बन जङ्गल नेपालीहरुको सान भएकाले सबै मिलेर बचाउनु पर्ने बताउनु भयो । बिगतमा राष्ट्रिय बन हुँदा बन तहस नहस भएको कुरालाई स्मरण गराउदै थापाले सामुदायिक बन बनाइए पछि समाजले बनलाई बचाएको बताउनु भयो ।
बनका अध्यक्ष केशव साहिले आफ्नो कार्यकालमा काम राम्रो गर्ने कोसिस गरेको बताउदै आगामी दिनमा पनि सबैको सल्लाह अनुसार अगाडि बढने बताउनु भयो ।
२०५५ सालमा स्थापना भएको बनमा करिव ९ सय उपभोक्ता रहेका छ्न ।
