काठमाण्डौ ।
कञ्चनपुरको बेदकोट नगरपालिका–४, बैतडामा १५ वर्षीया बालिकामाथि जबर्जस्ती करणी गरेको आरोपमा प्रहरीले १६ वर्षीय एक बालकलाई नियन्त्रणमा लिएको छ।
प्रहरीका अनुसार २०८३ असार २५ गते साँझ करिब ६ बजे ती बालकले आफ्नै घरभित्र बालिकामाथि जबर्जस्ती करणी गरेको आरोप लागेको हो। घटनापछि पीडित पक्षका आफन्तले राति करिब १०:२२ बजे जिल्ला प्रहरी कार्यालय कञ्चनपुरमा जानकारी गराएका थिए।
सूचना प्राप्त हुनासाथ प्रहरी टोली घटनास्थलमा खटिई आरोपितलाई नियन्त्रणमा लिई घटनाबारे थप अनुसन्धान भइरहेको प्रहरीले जनाएको छ।
