दशैंलाई लक्षित गर्दै बनेपा महोत्सव : मुख्य आकर्षण ऊँटको नृत्य

काभ्रेको बनेपामा बनेपा महोत्सव २०७५ आयोजना हुने भएको छ । बीबीसी (बनेपा ब्वाइ क्लव)को आयोजनामा महोत्सव हुन लागेको हो । आगामी असोज ११ गतेदेखि २१ गतेसम्म दशैंको अवसर पारेर बनेपास्थित गोदामचोकमा महोत्सव आयोजना गरिने क्लबका अध्यक्ष महेश कर्मचार्यले बताए ।

महोत्सवको मुख्य आकर्षण ऊँटको नृत्यलाई लिइएको छ । स्थापनाकालदेखि फुटबल खेलको आयोजना गर्दै आएका बनेपा ब्वाइज क्लबले अघिल्लो वर्षदेखि महोत्सव गर्न थालेको थियो । क्लबले यस वर्ष ‘हाम्रो अभियान, खेलको शान, संस्कृति र समृद्धि बनेपाको पहिचान’ भन्ने मूल नाराका साथ महोत्सव आयोजना गर्न लागेको हो ।

महोत्सवमा कृषि, घरेलु सामग्रीसहितको १ सयभन्दा बढी ब्यापारिक स्टल रहने बताइएको छ । दशैं लक्षित सुपथ मूल्य पसल र स्थानीय उत्पादनका सामग्रीसमेत राखिने आयोजकले बताइएको छ । महोत्सवमा पोखराको थकाली खानादेखि कोरियन प्रविधिबाट बनाइएको विभिन्न खानाका परिकार समावेश गरेको आयोजकले बताएका छन् । बालबालिकाको मनोरञ्जनको लागि बाल उद्यानसहित विभिन्न मनोरञ्जनस्थलको व्यवस्था रहेको बताइएको छ । प्रत्येक दिन चर्चित राष्ट्रिय कलाकार तथा स्थानीय कलाकारको सांगीतिक प्रस्तुति रहने आयोजकले बताएको छ ।

असोज ११ गतेको उद्घाटन समारोहमा स्थानीय संस्कृति झल्कने बाजागाजा, नाच, झाँकी र र्‍यालीसहित प्रदर्शन गर्ने तयारी रहेको संस्थाका अध्यक्ष महेश कर्माचार्यले बताए ।

यो सामाग्री पढेर तपाईलाई कस्तो महसुस भयो ?

View all articles by
बुध, अशोज १०, २०७५ (September 26, 2018, 8:20 am) मा द्वारा कला/साहित्य अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै