बिहिबार, चैत्र २७, २०७६, ।
ईर्ष्या र डाहाको जलनले, जलेको छ मन
अर्थहिन परिश्रमको चलनले, गलेको छ मन ।
दिक्क लाग्दो छ बिहान दिक्कलाग्दो छ साँझ
तितो वितृष्णा अनि बिचलनले, ढलेको छ मन ।
असंतुष्ट मन अनि असंतुष्ट तन असंतुष्टै छ बदन
मात्र अहंकारको बिउ बिजनले, फलेको छ मन ।
हड्डीहरु गलेका छन लखतरान छन अंगहरु
जसोतसो आशारुपी इन्धनले, चलेको छ मन ।
लतार्नु छ जिन्दगीलाई उकाली ओराली हरुमा
त्यसैले होला कचकच र गनगनले, बलेको छ मन ।
- एन. पी. खतिवडा
