बाढी आयो बाली बगायो,
अरु केही गरेन,
पहिरो आयो घर लडायो
अरु केही गरेन !
तिमीले धान बगेको देखेउ,
मैले कसैको पसिना बगेको,
तिमीले सानो झुप्रो ढलेको देख्याै,
मैले कसैको सपना ढलेको !
पसिना त!
बाढी संगै बगि गयो,
तर सपना
अझै सपना मै सिमित रह्यो !!
मन बुझाँउ कसो गरी ?
सरकार आयो रमिता हेर्यो
अरु केही गरेन !!
तिमीले वर्षामा आएको बाढी देख्याै,
जुन मैले हिउँदमै देखेको थिए,
तिमीले वर्षाको पहिरो देख्याै,
जुन मैले हिउदमै देखेको थिए !
मलाई पागल भन या अरु केही
तर !
जुन दिन बगरका ढुङ्गा ओसारिए
गाउँमा बाढी त्यसै दिन पसेको थियो,
जुन दिन विकासका नाममा
भिरालाे पहाडका रुख काटेर
तस्करको घर-घरमा हुलियो,
गाउँमा पहिरो त्यसै दिन खसेको थियो ।
ढुङ्गै ढुङ्गाको महल बनाउन,
ओसारिएका ढुङ्गाले,
बाडि रोक्न सकेन,
ढुङ्गाको सहरा भनी
भिरालो पहाड नै रित्तिने गरि
ओसारिएका रुखका बाँकी रहेका
ठुटा र जराहरुले पहिरो छेक्न सकेन !
र आज गाउँ सबै
सुख्खा बगर जस्तै समथर भएको छ,
अनि पहाडहरु रुख जस्तै,
ओरालो लागेर एकोहोरो झरिरहेको छ !
कसैले देखेन
हिउँदमा ढुङ्गा ओसार्दा
अनि कोहि बोलेन,
विकासका नाममा विनास भइरहँदा !
सबै मौन रहे,
देख्नेहरुले आँखा बन्द गरे,
सुन्नेहरुले कान बन्द गरे ,
लेख्नेहरुले औंला बाँधे !
जब
लेख्नु पर्थ्यो, लेखेनौं
बोल्न पर्थ्यो, बोलेनौं
सुन्नु पर्थ्यो, सुनेनौं
अनि आफु निर्दोष ठहरिन
सबै दोष जति
प्रकृतिलाई दिन मिल्छ ?
अत:
सहानुभूतिका नाममा
आफ्ना सामाजिक संजालका भित्ताहरुमा
त्यहि बाढी र पहिरोले बगाएका
मृत शरिरको फोटो राख्दै
सस्तो लोकप्रियता अझै
कति खोज्छौ ?
के तिमिले खोजेको
सस्तो लोकप्रियता जस्तै
सस्तो छ र
मान्छेको जिन्दगी ?
प्रतिक्रिया
बिक्री गर्न तयार भएकाे लाखाैकाे खरबुजा अज्ञात व्यक्ति द्वारा बारीमै काटेर नष्टप्रतिक्रिया
अलपत्र परेकालाई गन्तव्यसम्म पुर्याइदिने कर्णाली प्रदेशकाे निर्णयप्रतिक्रिया
२१ पदक जित्दै छैटाै सगरमाथा अन्तराष्ट्रिय कराते प्रतियाेगितामा नक्साल डाेजाे बन्याे च्याम्पियनप्रतिक्रिया
पालैपालो यौनसम्पर्कपछि हत्या, मोबाइल ‘अन’ भएपछि पत्ता लाग्यो हत्याराप्रतिक्रिया
कोरोना संक्रमण बढ्दै गएपछि कोरिया जाने कामदार पठाउन बन्द