रद्दी ह्यान्डराइटिङ लेख्ने चिकित्सकलाई अदालतले गर्‍यो कारवाही

बिहिबार, अशोज १८, २०७५, । 

चिकित्सकहरूले झुर ह्यान्डराइटिङमा प्रेस्क्रिप्सन लेख्ने गरेको त नौलो कुरा हैन । तर भारतको उत्तर प्रदेशस्थित एक अदालतले त्यसलाई रेकर्डमा राखेको छ ।

अल्लाहबाद उच्च अदालतको लखनउ बेन्चले केही नबुझिने अक्षर लेख्ने तीन छुट्टाछुट्टै चिकित्सकविरुद्ध पाँच पाँच हजार भारु जरिवाना लगाएको छ ।

गत साता सुनुवाइका लागि आएका तीनवटा फौजदारी मुद्दामा सीतापुर, उन्नाव र गोन्डा जिल्ला अस्पतालले पीडितको घाउजाँच प्रतिवेदनमा बुझ्नै गाह्रो हुने अक्षर लेखेका थिए ।

बेन्चले यसलाई अदालती कारवाहीमा पुर्‍याएको अवरोधका रूपमा लिँदै तीनैजना चिकित्सकलाई समाह्वान गरेको थियो । न्यायाधीशद्वय अजय लाम्बा र सञ्जय हरकौलीको इजलासले चिकित्सकहरूको निन्दा गर्दै प्रत्येकले अदालतसमक्ष
पाँच हजार भारु जरिवाना तिर्न लगाएको थियो ।

चिकित्सकहरूले चाहिँ आफूहरूलाई कामको बोझ ज्यादा भएकाले नबुझिने अक्षर लेखेको जिकिर गरे ।

अदालतले गृहसचिव, स्वास्थ्यसचिव र स्वास्थ्य विभागका महानिर्देशकलाई भविष्यमा स्वास्थ्य प्रतिवेदन बनाउँदा सजिलो भाषा र बुझिने अक्षरमा लेख्न लेखाउन निर्देशन दिएको छ । यस्ता प्रतिवेदनहरू कम्प्युटर टाइप गरेर दिन पनि
अदालतले सुझाव दिएको छ ।

यो सामाग्री पढेर तपाईलाई कस्तो महसुस भयो ?

बिहिबार, अशोज १८, २०७५ (October 4, 2018, 4:33 pm) मा द्वारा अन्तर्राष्ट्रिय अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै