पेट्रोलियम र ग्यासको विषयमा छलफल गर्न बुधवार बोलाईएको नेपाल–भारत संयुक्त कार्यदलको बैठक बिहीवार बस्ने

पेट्रोलियम र ग्यासको विषयमा छलफल गर्न बुधवारका लागि तय गरिएको नेपाल–भारत संयुक्त कार्यदल (जेडब्लूजी)को बैठक स्थगित भएको छ । संयुक्त कार्यदलको बैठकमा नेपाल भारतबीच हुने पेट्रोलियम र ग्यास आयातको विषयमा छलफल गर्ने तय भएको थियो ।

बुधवार विहान भारतीय दूतावासले अचानक बैठक सरेको जानकारी गराएको हो । बैठक सर्नुको विषयमा जानकारी दिंदै नेपालस्थित भारतीय दूतावासका द्धित्तीय सचिव रोशन लोप्चाले बैठकमा सहभागि हुने केहि अधिकारीको अनुपस्थितिका बुधवारको बैठक स्थगित भएको बताए । उनले यो बैठक बिहीवार आयोजना हुने जानकारी दिएका छन् ।

लोप्चाका अनुसार बिहीवार भारतीय पेट्रोलियम तथा प्राकृतिक ग्यास मन्त्री धर्मेन्द्र प्रधान पनि नेपाल आउँदै छन् । उक्त बैठकमा मन्त्री प्रधानको समेत सहभागिता हुने छ । भारतीय मन्त्री नेपाल आउनु अगाडि बुधवार बस्ने संयुक्त बैठकमा नेपालमा भारतबाट हुने पेट्रोल तथा ग्यास आयातको विषयमा छलफल गरी नयाँ सहमति कायम गर्ने तयारी थियो ।

बिहीवार बस्ने बैठकमा भारतको मोतिहारीदेखि नेपालको अमलेखगञ्जसम्म निर्माण भइरहेको पेट्रोलियम पाईपलाईन र ग्यासको आयातको विषयमा पनि छलफल हुने जानकारी दिईएको छ ।

यो सामाग्री पढेर तपाईलाई कस्तो महसुस भयो ?

View all articles by
बुध, अशोज १०, २०७५ (September 26, 2018, 3:25 pm) मा द्वारा जनजीविका अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया