कैलालीको लम्की चुहा नगरपालिकामा राष्ट्रिय भुमि आयोग स्थानिय केन्द्र द्वारा भुमिहिन दलित भुमिहिन सुकुम्बासी र अव्यवस्थित बसोबासी हरुको जग्गा नाप जाच कार्यको सुरुवात गरिएको छ । उक्त कार्यको सुरुवात लम्की चुहा नगरपालिका वडा नम्बर ५ बाट गरिएको छ ।
नाप नक्सांकन कार्यक्रमको उद्घाटन गर्दै लम्की चुहाका नगर प्रमुख महादेव बजगाईँले आफूले जनता माझ गरेको प्रतिवद्धता पूरा गर्न लागको बताए ।
वडा नं ५ की अध्यक्ष माया बिष्टले भूमिहीनको लामो समय देखिको समस्या समाधान हुन लागेको बताइन् । ‘ राष्ट्रिय भूमि आयोगको स्थानीय सेवा केन्द्र लम्कीचुहाका संयोजक बिरेन्द्र शाहीले पहिलो चरणमा तीन वडामा जग्गा नापको काम सुरु हुने कार्यक्रम अनुसार आज वडा नम्बर ५ मा भएको बताए ।
साथै, संयोजक शाहीले अब वडा नम्बर २ र वडा नम्बर ४ त्यसपछि वडा नम्बर ३ मा नापको काम सम्पन्न गर्न दुई महिनाको समय लाग्ने जानकारी दिए । वडा नम्बर ५ मा एघार सय २१ कित्ता नाप जाँच गर्नु पर्ने छ । यस वडामा भूमिहीन दलितका एक सय ६१, भूमिहीन सुकुम्बासीका दुई सय १८ र अव्यवस्थित बसोबासीको सात सय ४२ परिवार गरि जम्मा चौध सय ८५ ले फाराम भरेका थिए । लम्कीचुहा नगरपालिकामा १७ हजार दुई सय ३३ ले फाराम भरेका छन् ।