जिल्ला गाउँपालिकामा रहेको भैरव मावि नराकोटमा खानेपानी र शौचालय अभाव भएको वर्षो वित्यो ।  लामो समय देखी खानेपानी र शौचालय अभावको समस्या समाधान नहुँदा त्यहाँका शिक्षक र विद्यार्थीलाई सास्ती भएको छ ।  अहिले विद्यार्थीले १ घण्टाको पैदल हिडेर  पानी पिउने गरेका छन् । शौचालयको अभाव थियो, विद्यालयमा खानेपानी समेत अभाव हुदा पढाई नै प्रभावित हुने गरेको छ, विद्यालयका कक्षा ९ मा अध्ययनरत छात्रा विपना जैशीले भनिन् । उनका अनुसार विद्यालयका साथीहरू मिलेर पालैपालो गरेर डरममा पानी खान बाध्य  छन्  । कतिपय विद्यार्थीले आफ्नो घरबाटै बोकेर पनि पानी  ल्याउने गरेका छन् ।  छात्रा जैशीले पढाईलाई छोडेर पनि खोलाको दुषित पानी खान बाध्य भएको दुखेसो गरिन् ।

विद्यालय व्यवस्थापन समिति र प्रधानाध्यापकको लापरबाहीले गर्दा यस्तो दु ख खेप्नु परेको विद्यार्थीहरूको गुनासो रहेको छ । विद्याँर्थी आफैले १० रुपैय प्रति विद्यार्थी डरम किनेर पानी ल्याउने गरेका छन् । पहिला विद्यालयमा दुई वटा धारा थिए, पछि धारा विग्रदै गएपछि खानेपानीको समस्या शूरु भएको थियो ।  विद्यार्थी पढ्ने कक्षा कोठाको समेत रहेको विद्यालयमा नयाँ भवन निर्माण गर्दा दुई धारा पुरिदा समस्या उत्पन्न भएको हो ।  धारा पुन निर्माण गर्न  स्थानीय सरकारलाई आग्रह गरेको भएपछि माग सम्बोधन हुन नसकेको गुनासे विद्यालयका शिक्षक धर्मलाल शर्मा बताउछन् । शौचालय गर्न पनि गाउँमा आफन्तको घरमा जानु पर्ने अवस्था छ, विद्यार्थीले जथाभावि दिसा,पिसाप गरिदिदा संकमण फैलिने डर पनि उत्तिकै छ, उनले भने ।

२०६७ सालमा निर्माण भएको शौचालय अझ सम्म पनि प्रयोग विहिन भएको छ ,नेदरल्याण्ड बाट २ लाख ५० हजार रुपैया सहयोग हुँदा अझै पनि विद्यार्थी र शिक्षकले यस्तो सास्ती खेप्नु परेको  विद्यालयका शिक्षक धर्मलाल शमाको भनाई रहेको छ । यता विद्यालय व्यवस्थापन समितिका पदाधिकारीहरू समयमा बैठक नबस्ने विद्यालयमा भएका गतिविधिहरू नबुज्ने गरेपछि विद्यालयले यस्तो सास्ती खेपिरहेको विद्यालयले दुखेसो गरेको छ । विद्यालयका निमित्त प्रधानाध्यापक देवराज धितालले शौचालय र खानेपानी विद्यालयमा उपलब्ध गराउने माध्यम नै नभएको बताए । उनले भने, सरोकारवाला सँग  सहयोगको अपिल गर्दा समेत माग सम्बोधन हुन सकेको छैन् ।