झापा ।
झापाका एक जना काेराेना संक्रमितकाे मृत्यु भएकाे छ । झापाको कमल गाउँपालिका वडा नं ३ केर्खाका कोभिड–१९ बाट सङ्क्रमित ८३ वर्षीय वृद्धको आज बिहान उपचारको क्रममा धरानमा मृत्यु भएको हाे ।
गाउँपालिकाकी अध्यक्ष मेनुका काफ्लेले सङ्क्रमण पुष्टि भएका वृद्धको धरानको बीपी कोइराला स्वास्थ्य विज्ञान प्रतिष्ठानमा मृत्यु भएको बताउनुभयो । याे संगै झापाको कोभिडबाट मृत्यु हुनेको सङ्ख्या दुई पुगेको छ ।
यसअघि दमकमा एक बृद्धको काेराेनाका कारण मृत्यु भएको थियो ।
