झापाकाे बुद्धशान्ती गाउँपालिका वडा नम्बर ५ को पाँचपोखरी सामुदायिक वनमा दारा र पुच्छर नभएको अवस्थामा मृत हात्ती फेलापरेकाे छ । ढाडमा गोलिको खत देखिए पनि मृत्युकाे कारण एकीन भइसकेकाे छैन । हात्ती मर्नुकाे कारण अन्य चोट हो वा सिकारीकाे सिकार भएको बारे अनुसन्धान भइरहेकाे रेन्जर कुल प्रसाद भट्टराईले जानकारी दिनुभएकाे छ ।
जंगलमा बाख्रा चराउने क्रममा स्थानिय बाशु पौडेलले देखे पछी खबर गरेका थिए । लगत्तै जिल्ला बन कार्यालयका रेन्जर कुल प्रसाद भट्टराईको टाेली घटनास्थल पुगेकाे थियाे ।
हात्तीकाे शरिरभरी प्रशस्तै घाउ चोट छन । हात्ती आखा नदेख्ने भएकाले आम मानिसले प्रहार गरेका ढुङ्गामुढा लागेका हुनसक्ने अनुमान गरिएकाे छ ।
करिब एक महिना अघि हात्ती गन्हाएको अवस्थामा जंगलमा भेटेपछी असोज २२ गते चितवनबाट आएको टोलिले उपचार गरेको थियाे ।उपचार पछी सामान्य अवस्थामा फर्किने आशा गर्दै १०-११ दिन हात्तीकाे निगरानी गरिए पनि हात्ती मृत भेटिएकाे हाे ।
याे संगै झापामा पछिल्लो २ बर्षमा ३ वटा मरेको डिभिजनल वन कार्यलयका प्रमुख बिष्णुलाल घिमिरेले जानकारी दिनुभयाे । उनका अनुसार जिल्लाबाट पशु चिकित्सक खटाईसकिएको र साझ सम्ममा अनुसन्धान गरि दाहसंस्कार गर्ने पनि बताउनुभयाे । हात्ति मेची सव डिभिजन क्षेत्रमै घुमफिर गर्ने गरेको र अन्दाजी ६०-६५ बर्षको रहेकाे समेत उहाँले बताउनुभयाे ।
