निजि तथा आवासीय बिद्यालय संगठन नेपाल(प्याब्सन ) स्थानिय पालिका कार्यसमिति लम्की चुहाको तेस्रो बार्षिक साधारण सभा सम्पन्न भएको छ । प्याब्सन लम्की चुहाका अध्यक्ष गोबिन्द शाहको अध्यक्षतामा भएको कार्यक्रमको प्रमुख अतिथि प्याब्सन केन्द्रिय उपाध्यक्ष जगबिर थापा रहनु भएको थियो ।

साधारणसभामा बोल्दै प्रमुख अतिथि थापाले लम्की चुहा प्याब्सनको प्रसंशा गर्दै आगामी दिनमा पनि निजि बिद्यालयहरु एक भएर अगाडि बढनु पर्ने बताउनु भयो ।केन्द्रिय प्याब्सनको तर्फबाट हुने सहयोग गर्ने बताउनु भयो । प्याब्सन प्रदेश नम्बर ७ का सचिव डिल्लिराम बोहराले बिगतका दिनमा लम्किका निजि बिद्यालय एक आपसमा पहिला बाझिएको अबस्था रहेको कुरा उल्लेख गर्दै अहिले संगठित भएकोमा लम्की क्षेत्रका बिद्यालयलाई धन्यवाद दिनु भयो ।

प्याब्सन कैलाली अध्यक्ष डिल्लिराज रेग्मीले अहिले राज्यले निजि बिद्यालयलाई हेर्ने दृष्टिकोण नराम्रो रहेकाले आगामी दिनमा प्याब्सन हिम्मतका साथ अगाडि बढनु पर्ने बताउनु भयो । प्याब्सन सुदुरपश्चिम बरिस्ठ सल्लाहकार सिबि चन्द,प्याब्सन केन्द्रिय सदस्य हरि रेग्मी,प्याब्सन केन्द्रिय सदस्य ललित पन्त ,प्याब्सनका केन्द्रिय सदस्य दिपक सिंह, कैलाली जिल्ला प्याब्सन उपाध्यक्ष दयाराम सन्ज्याल लगायतकाले बोल्नु भएको थियो ।

कार्यक्रममा बोल्ने धेरै बक्ताहरुले केही समय अगाडी लम्की चुहा नगरपालिकाका नगरप्रमुख महादेव बजगाईले निजि बिद्यालय बन्द गर्छु भनी दिएको अभिव्यक्ति प्रती आपत्ती जनाएका थिए । प्याब्सन स्थानिय पालिका कार्यसमिति लम्की चुहाका उपाध्यक्ष मोहन ढुंगानाको स्वागत मन्तव्य सङ्गै सुरु भएको कार्यक्रमको संचालन प्याब्सन स्थानिय पालिका कार्यसमिति लम्की चुहा सचिव भुपेन्द्र तिमिल्सेनाले गर्नु भएको थियो ।