काठमाण्डाै ।
विश्वभरी कोरोना महामारी फैलिएको बेला नेपालमा पनि यसको असर देखिन थालेको छ । नेपालमा पनि अहिले विभिन्न जिल्लामा कोरोना भाइरसले आतंक मच्चाउन थाले पछि मानिसहरुमा एक किसिमको त्रास फैलिएको छ । यहि बिचमा कैलालीको मोहन्याल गाउँपालिका पनि यसमा अछुतो छैन । यहि समस्यालाई मध्यनजर गर्दै युवाहरुको पहलमा सेनिटाइजर, साबुन ,सोडा , मास्क,हर्पिक र फलेबिसौना क्वारेन्टिनमा ७५ जार पानी वितरण गरिएको छ । 
कोरोना भाइरस बाट बच्नका लागि प्रवासमा रहेर मोहन्याल गतिशील युवा समाजले मोहन्याल गाउपालिका भित्र रहेका क्वारेन्टाइनमा ७ वटै वडामा भोक भन्दा नि रोग संग लड्न जरुरि देखेकोले केन्द्रीय समितिका अध्यक्ष जनक शाहि, सचिव करन बि सि ,कोषाध्यक्ष गोपिराम जैसि र केन्द्रीय समितिका वरिष्ठ सल्लाहकार विष्णु शर्मा महाराष्ट्र राज्य समितिका अध्यक्ष निराजन बटाला, हरियाणा राज्य समितिका अध्यक्ष किसन बिष्ट, कर्नाटक राज्य समितिका अध्यक्ष दिनेश गौतम र गुजरात राज्य समितिका अध्यक्ष एकेन्द्र घोडासैनिको पहलमा सेनिटाइजर, साबुन ,सोडा , मास्क,हार्पिक र फलेबिसौना क्वारेन्टिनमा ७५ जार पानि वितरण गरिएको जानकारी प्राप्त भएको छ । 
यस कार्यमा अमेरिका देखि मदन राज र कोरिया देखि गोबिन्द अधिकारीको पनि सहयोग रहदै आएको संस्थाका केन्द्रिय सचिव करन बिसिले जानकारी दिनु भयो ।
