काठमाण्डाै ।
चिसापानी राजमार्ग छेउमा गत बैशाख ५ गते राती घाईते अवस्था भेटिएका पुरुषको टिकापुर अस्पतालमा ज्यान गएको छ ।
गत बैशाख ५ गते राती १० बजे पछि पुर्वपश्चिम राजमार्ग अन्तर्गत कैलालीको लम्कीचुहा ३ खैरेनी चिसापानीमा घाईते अवस्थामा सडक छेउमा भेटिएका अन्दाजी ५०/५५ बर्षका पुरुषको चिसापानी प्रहरीले उद्दार गरेर टिकापुर अस्पतालमा उपचारको लागी लगेको थियो ।
परिचय नखुलेको ति पुरुषको उपचारको क्रममा ज्यान गएपछि उनको शब टिकापुर अस्पतालमा राखिएको र उनको शबको अझै पहिचान हुन नसकेको प्रहरीले जानकारी दिएको छ ।
गहुँ गोरो वर्ण, उचाई ५.६ फिट, मोटो शरीर भएको माथिल्लो शरीरमा बुट्टेदार सर्ट, कमिज तल्लो शरीरमा खैरो पाईन्ट, सेतो सोल भएको कालो जुत्ता लगाएका पुरुष रहेको प्रहरीले बताएको छ ।
उनको शब टिकापुर अस्पतालको शब गृहमा छ ।
