बार्सिलोनाको राजनीतिक सिकार बन्दै लियोनल मेस्सी ।

बार्सिलोनाका कप्तान लियोनल मेस्सीलाई लिएर विश्वभर चर्चा भइरहेको छ । बुधबार बेलुका बार्सिलोनाका स्पोटिङ डाइरेक्टर रोमन प्लान्सले मेस्सीलाई बार्सिलोना राख्ने प्रयास जारी रहेको बताएका थिए ।मेस्सीले क्लबका अध्यक्ष जोसेफ मारिया बर्तमोउलाई आफु क्लब छाड्ने निर्णयमा पुगेको भन्दै मंगलबार राति पत्र लेखेका छन् । उनले उक्त पत्र लेखेपछि अहिले मेस्सीको नजरमा कुन क्लब उत्कृष्ट वा उनी बार्सिलोनामै रहलान् भन्ने जिज्ञासा उनका समर्थकमा चलिरहेको छ ।

मेस्सीलाई आवद्ध गर्न इङ्ग्ल्यान्ड क्लब म्यान्चेस्टर सिटी, इटालीयन क्लब इन्टर मिलान र फ्रान्सेली क्लब पेरिस सेन्ट जर्मन (पीएसजी) ले आन्तरिक प्रतिस्पर्धामा लागिरहेका छन् ।यसैबीच अब मेस्सी बार्सिलोनामै रहन्छन् भने क्लबका अध्यक्ष बर्तमोउले राजीनामा दिनु पर्छ भन्ने पनि बसह सुरु भएको छ ।आगामि वर्ष बर्तमोउको कार्यकाल सकिँदैछ । तर, अहिले मेस्सीलाई बार्सिलोनामा राख्नका लागि भएपनि उनले राजीनामा दिनु पर्ने बार्सिलोनाका पदाधिकारीहरुले विकल्प अगाडि सारेका छन् ।यसले के देखाउँछ भने मेस्सी बार्सिलोनाका पदाधिकारीको राजनीतिक सिकार बन्दै गएको देखिएको छ ।पछिल्लो समय बार्सिलोनाको अर्को वर्ष हुने चुनावमा अध्यक्षको उम्मेदवार रहेका भिक्टोर फोन्सले बताएका छन् ।

मेस्सी क्लबको कार्यशैलीलाई लिएर असन्तुष्ट रहेको बताउँदै उनले बर्तमोउले राजिनामा दिनु राम्रो भएको बताएका छन् ।‘यदी मेस्सी क्लबमै रहने त्यहाँ कुनै विकल्प छ भने बार्तामेउले राजीनामा दिनुपर्छ,’ फोन्टले एक कुराकानीमा भनेका छन् ।बार्सिलोनाका कप्तान मेस्सी च्याम्पियन्स लिगको क्वाटरफाइनलमा बार्यन म्युनिखसँग ८–२ गोल अन्तरको फराकिलो अन्तरले पाजित भएपछि क्लब छाड्ने निर्णयमा पुगेका हुन् ।उनले क्लबका नयाँ प्रशिक्षक रोनाल्ड कोम्यानसँगको भेटघाटा आफुले बार्सिलोनाभन्दा बाहिर भविष्य देखेको बताएका छन् ।उनको बार्सिलोनासँगको सम्झौतामा हरेक सिजनको अन्तीममा यदि उनले क्लब छाड्न चाहे जान सक्नेगरि सम्झौता भएको छ ।मेस्सीले त्यसै क्लजलाई प्रयोग गर्न चहाएका छन् । सिजन जुनमा सिकिन्थ्यो भने अहिले कोरोना भाइरसका कारण पछि धकेलिएको अवस्थामा पनि त्यो क्लज लागु हुनु पर्ने माग मेस्सीले गरिरहेका छन् ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
बिहि, भदौ ११, २०७७ (August 27, 2020, 12:23 pm) मा द्वारा खेलकुद अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै