रमित पाण्डे, कैलाली । कैलालीको लम्की बहुमुखी क्याम्पसमा स्नातकोत्तरसम्मको पढाइ हुने भएपछि लम्की आसपास क्षेत्रका विद्यार्थी खुशी भएका छन्। लम्की बहुमुखी क्याम्पसमा चालु शैक्षिक सत्रदेखि स्नातकोत्तरसम्मको पढाइ हुने भएको छ ।
त्रिभुवन विश्वविद्यालयले स्नातकोत्तरसम्मको लागि अनुमति दिएपछि चालु शैक्षिक सत्रदेखि लम्की बहुमुखी क्याम्पसमा पनि नेपाली शिक्षा बिषयमा पढाइ हुने क्याम्पस प्रमुख सरोज कुमार शाहले जानकारी दिनु भयो ।
२०६४ सालमा स्थापना भएको लम्की बहुमुखी क्याम्पसमा हालसम्म स्नातकसम्मको पढाइ हुने गरेको थियो। उक्त क्याम्पसमा यसअघि स्नातक तहमा व्यवस्थापन शिक्षाशास्त्र र मानबिकी संकायमा पढाइ हुदै आएको थियो।
गाउँमै स्नातककोत्तरको पढाइ हुने भएपछि सजिलो हुने विद्यार्थी अम्बीका न्यौपानेको भनाइ छ ।
लम्की बहुमुखी क्याम्पस स्नातकोत्तरसम्मको पढाइ गर्ने यो क्षेत्रको पहिलो क्याम्पस बनेको छ। यसअघि विद्यार्थीहरु स्नातकोत्तरसम्मको पढाइ गर्न काठमाडौ, धनगढी, टिकापुर लगायत अन्यत्र जाने गरेका थिए ।
