कैलाली । कैलालीमा नेपाल कम्युनिष्ट पार्टी (नेकपा) का एक स्थानीय नेताको स्कारपियोमा अज्ञात समूहले गएराति आगजनी गरेको छ ।

घोडाघोडी नगरपालिका १ सुन्दरपुरमा गौरी प्रसाद जोशीले आफ्नै घर आगाडि पार्किङ गरी राखेको बा ९ च ६५९७ नम्बरको स्कारपियोमा आगजनी भएको हो । जोशी नेकपाका जिल्ला तहका नेता हुन् ।

गएराति करिब १२ बजेको समयमा अज्ञात समुहले जोशीको घर अगाडि पार्किङ गरी राखेको स्कारपियोमा अज्ञात समूहले आगजनी गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक दक्षकुमार बस्नेतले जानकारी दिए ।

आगजनीवाट स्कारपियोको अगाडीको भाग जलेर क्षति भएको बस्नेतले जानकारी दिए ।

स्कारपियो आगजनी भउको स्थानमा कुनै पनि संगठनको पर्चा, पम्पलेट केही पनि नभेटिएको र अहिलेसम्म घटनाको कसैले जिम्मेवारी नलिएका कारण व्यक्तिगत रिसिबीका कारण स्कारपियोमा आगजनी गरिएको हुन सक्ने बस्नेतले बताए ।