रंगप्रसाद तिमिल्सैना
लम्की/ फागुन २३
लम्कीचुहा नगरपालिका वडा नम्बर १, भुरुवामा रहेको बालकल्याण माविमा आज एक कार्यक्रमका बिच कक्षा १० का विद्यार्थीहरुलाई बिदाई गरिएको छ
विद्यालयमा अध्ययनरत कक्षा ९ तथा विद्यालय परिवारको आयोजनामा यस वर्ष एसईई दिने तयारीमा रहेका कक्षा १० का विद्यार्थीहरुको बिदाई कार्यक्रम गरि बिदाई गरिएको हो ।
कक्षा ९ का मनिटर मुकेश उपाध्यायको सभापतित्वमा भएको बिदाइ कार्यक्रमका प्रमुख अतिथि विद्यालय व्यवस्थापन समितिका अध्यक्ष गीता गडतोला थापा रहनु भएको थियो ।
बिदाई कार्यक्रममा विशिष्ट अतिथि शिक्षक अभिभावक संघका अध्यक्ष चन्द्रप्रसाद जैशी, प्रधानाध्यापक रुपलाल जैशी, सहायक प्रधानाध्यापक रंगप्रसाद तिमिल्सैना, कक्षा १० का कक्षा शिक्षक प्रकाश बि. क. , कक्षा ९ का कक्षा शिक्षक दीपेन्द्र खत्रीले शुभकामना मन्तव्य राख्नुभएको थियो ।
त्यसैगरी कार्यक्रममा कक्षा १० का विद्यार्थी जानकी खनाल, राजेश जैशी, कक्षा ९ का विद्यार्थी दमन बिष्ट, योगेश खनाल लगायतकाले मन्तव्य राखेका थिए ।
कार्यक्रममा कक्षा १० का ८० जना विद्यार्थीहरुलाई मायाको चिनो स्वरुप फोटो फ्रेमहरु वितरण गरिएको थियो भने कक्षा ९ का विद्यार्थीहरुले विभिन्न नृत्यहरु समेत प्रस्तुत गरेका थिए ।
कक्षा ९ कि छात्रा सरिता दुब्राकोटीले स्वागत मन्तव्य राखेको कार्यक्रमको संचालन कक्षा ९ कि छात्रा दिपिका आचार्यले गरेकी थिइन ।