लम्की,कैलाली ।
कैलालिको लम्किचुहा नगरपालिका वडा नम्बर ३ ले आज सार्बजनिक सुनुवाइ गरेको छ । वडामा संचालन गरिएका क्वारेन्टिन ब्यबस्थापनको खर्च बारे सबैलाई जानकारी दिन सार्वजनिक सुनुवाइ गरिएको वडा अध्यक्ष भक्त चलाउनेले जानकारी दिनु भएको छ ।
भारत तथा तेस्रो मुलुक बाट आएकाहरु लाई वडामा ३ स्थानमा क्वारेन्टिन निर्माण गरि राखिएको थियो । जसमा जम्मा ४१९ जना लाई वडाले क्वारेन्टि बनाइ ब्यबस्थापन गरेको थियो ।
आज सम्म यसको ब्यबस्थापनमा २१ लाख ७३ हजार १ सय २६ रुपैया खर्च भएको वडा अध्यक्ष चलाउनेले बताउनु भयो ।
खर्चको विवरण पारदर्शी भएको र कसैले बुझ्न चाहेको खण्डमा सम्पुर्ण बिल आफुहरुले उपलब्ध गराउने वडा कार्यालयको भनाइ छ ।
