कैलालीको लम्कीचुहा नगरपालीका वडा नम्बर १० चुहामा १५ शैयाको अस्पतालको मंगलबार एक कार्यक्रम बिच शिलान्यास गरिएको छ । लम्कीचुहाको चुहामा लम्कीचुहा नगरपालीकाले निमार्ण गरिरहेको ५० शैया अस्पताल भएकै ठाउँमा १५ शैया अस्पतालको उद्घाटन गरिएको हो ।
अस्पताल शिलान्यास कार्यक्रममा बोल्दै नेपाल सरकारका स्वास्थ्य राज्य मन्त्री नवराज रावतले जे आवश्यकता थियो त्यो कुरा आधारभुत तहमा स्वास्थ्य सेवा दिन नेपाल सरकारले ३९६ स्थानमा ५,१०र १५ शैयाका अस्पतालको शिलान्यास गरेको बताउनु भयो ।

कैलाली क्षेत्र नम्बर २ का संघिय सांसद झपट रावलले चुनावका बेला जनताका बिचमा बाचा गरेका धेरै कुरा सुरु गरेको र ति मध्ये धेरै कुरा गरेको र बाकीँ रहेका काम पनि गर्ने बताउनु भयो ।

जिल्ला समन्वय समिति कैलाली सभापति सुर्य बहादुर थापाले विकास भनेको सबैले मिलेर गर्नु पर्ने बताउदै नेपाल सरकार पनि त्यहीँ अनुसार अगाडि बढेको बताउनु भयो ।

लम्कीचुहा नगरपालीकाका नगर प्रमुख महादेव बजगाईले जनतालाई स्वास्थ्य सेवा दिने उद्धेश्यले लम्कीचुहा अस्पताल संन्चालनमा ल्याएको र नगरपालीकाले सुरु गरेको काममा संघिय सरकारले सहयोग गरेकोमा धन्यबाद दिनुभयो ।

अन्य स्थानिय तहमा सोमबार नै ५,१०,१५ शैया अस्पतालको उद्घाटन भइसकेका छन् ।