काठमाण्डौ ।
कैलालीको बर्दगोरिया गाउँपालिका बर्दगोरिया धामको पश्चिम पट्टी वडा नम्बर २ र ३ लाई जोड्ने कुहिरा नदि माथी निर्माणाधीन झोलुङ्गे पुल अझै पनि निर्माण नभए पछि कैलाली क्षेत्र नम्बर २ का सांसद अरुण कुमार चौधरीले चासो दिनु भएको छ । अघिल्लो आर्थिक वर्षमा बन्नु पर्ने पुल नबनेछी सांसद अरुण कुमार चौधरी ललितपुरमा रहेको सस्पेन्सन बृज डिभिजनमा पुगेर चासो दिनु भएको हो ।
कैलाली क्षेत्र नम्बर २ मा भइ रहेका विकासे गतिविधिमा पछिल्लो समय चासोको रुपमा सांसद चौधरी लागेका छ्न आफ्नो क्षेत्र भित्र निर्माणाधीन विकासे योजना लाई छिटो सक्ने र नयाँ योजना लाई अगाडि बढाउन व्यापक रुपमा खटी राख्नु भएको छ ।
advertisement
तेहि क्रममा बर्दगोरियाका का वारीपारिका जनताहरु लाई आवत जावतमा समस्या भए पछि पुल निर्माण छिटो सक्न निर्देशन दिनु भएको हो । भेटमा योजना प्रमुख सम्भु कार्कीले आगामी दशै भित्र जसरी पनि पुल निर्माण गरि सक्ने प्रतिबद्धता जनाउनु भएको छ ।
उक्त ठाउँमा पुल बनेमा बर्दगोरिया ३ पुरै वडा र मोहन्याल गाउँपालिकाका तल्लापानी,चाया भावर लगायतका गाउँ लाई सहज हुने छ ।
