सुप आइडल २०७५ (सिजन–२) काे तयारी अन्तिम चरणमा, ७ नं. प्रदेशका सबै जिल्लामा अडिसन हुने

शनिबार, भदौ १६, २०७५, । 

अब केही दिनमै सुप आईडल सिजन-२ काे अडिसन सुरू हुने भएको छ । प्रदेश नं ७ मा गायन प्रतिभाकाे खाेजी गर्दै अायाेजना गरिएकाे प्रथम सुप आइडलले स्थानिय स्तरमा निकै लाेकप्रियता र सफलता प्राप्त गरेकाे थियाे । सुप अार्इडलकै निरन्तरता स्वरूप सिजन- २ सुरू हुन लागेकाे अायाेजकले बताएकाे छ ।

तिलक फिल्मस् प्रालि, काठमाडौंको आयोजनामा हुने सुप आइडल सिजन–२ को ६० प्रतिशत कामको तयारी पुरा भएको प्रबन्ध निर्देशक दीपक जोशीले बताएका छन ।

प्रदेश नं ७ का कैलाली, कञ्चनपुर, डोटी, अछाम, बझाङ, बाजुरा, डडेल्धुरा, बैतडी र दार्चुला गरी ९ वटै जिल्लामा अडिसन हुने आयोजकले जानकारी दिएको छ ।

अडिसनमा भाग लिन ईच्छुक प्रतियोगीहरुका लागि केही दिनमै ९ वटै जिल्लामा फाराम वितरण हुने स्थानहरु र आइडलको मुख्य प्रायोजक, सह–प्रायोजकहरुको नाम सार्वजनिक गरिने प्रबन्ध निर्देशक जोशीले बताए ।

सुप अार्इडलकाे उपाधि जित्नेलार्इ १ लाख नगद पुरस्कार साथै निशुल्क गित रेकर्डिङ लगायतकाे ब्यबस्था हुने छ । त्यस्तै द्वितीयलाई ५० हजार र तृतीय हुनेलाई २५ हजार नगद पुरस्कार हुने आयोजकले बताएकाे छ ।

प्रथम सुप आइडल २०७४ को उपाधि बझाङ्गका सुनिल नेपालीले हात पारेका थिए । त्यसैगरी द्वितीय कैलालीकी पुनम चौधरी र तृतीय डोटीका निरज विक भएका थिए । तिलक फिल्मस् प्रालि काठमाडौंले विजेतालाई नगद २५ हजार र द्वितीय हुने प्रतियोगीलाई नगद १० हजार प्रदान गरेको थियो भने दुवै जनालाई गीत रेकर्डिङको निःशुल्क व्यवस्था समेत आयोजकले गरेको थियो ।

यो सामाग्री पढेर तपाईलाई कस्तो महसुस भयो ?

शनिबार, भदौ १६, २०७५ (September 1, 2018, 10:30 am) मा द्वारा कला/साहित्य अन्तर्गत प्रकाशित

प्रतिकृया दिनुहोस

Leave a Reply

Your email address will not be published.


फेसबुकबाट प्रतिक्रिया

भर्खरै

ट्रेन्डिङ