काठमाडौँ । सोमबार भक्तपुरमा प्रहरीको गोलीबाट मारिएका निसान खड्काका हत्या अभियुक्त गोपाल तामाङ र अजय तामाङका परिवार राष्ट्रिय मानव अधिकार आयोग पुगेका छन् ।
अभियुक्त तामाङद्वय प्रहरीसँगको दोहोरो भिडन्तमा मारिएका हुन वा प्रहरीले हत्या गरेको हो निष्पक्ष छानविनको माग गर्दै आयोगमा निवेदन दर्ता गरेका छन् ।
advertisement
गएको आइतबार पेप्सिकोलाबाट ११ बर्षका बालक निसान खड्कालाई उनीहरुले अपहरण गरी भक्तपुरमा हत्या गरेका थिए ।
सोमबार प्रहरीले उनीहरुलाई भक्तपुरको सुर्यविनायक माथि जंगलमा इन्काउन्टर भएको दावी गरेको छ ।
प्रहरीले इन्कान्टर भएको दावी गरेपनि प्रत्यक्षदर्शीहरुले भने इन्कान्टर झुटो भएको बताएका छन् ।
प्रत्यक्षदर्शीले तामाङद्वयलाई घरको कोठाबाटै प्रक्राउ गरी लिएर गएको बताएका छन् । प्रहरीले भने उनीहरुसँग दोहोरो भिडन्त भएको र त्यसक्रममा मारिएको बताएपनि परिवारले विश्वास गर्ने आधार नभएको भन्दै आयोग पुगेका हुन् ।
