काठमाण्डाै ।
धुलिखेल नगरपालिका-१ देबिटारमा जेठी बुहारीबाट सासूको हत्या भएको छ। देबिटारकी ६३ वर्षीया माइलीमाया तामाङकी जेठी बुहारी सुन्तली तामाङले सासूको हत्या गरेको प्रहरीले जनाएको छ।
मंगलबार राति ९ बजेतिर आपसमा सासू बुहारीबीच झगडा भइरहेको भन्ने सूचना आएसँगै प्रहरी घटनास्थाल पुगेको थियो। मृतक माइलीमाया तामाङको शव घरमै मृत अवस्थामा फेला परेको इलाका प्रहरी कार्यालय बनेपाका प्रहरी निरीक्षक निञ्जन भट्टराईले बताए।
सासू- बुहारीबीच झगडा हुँदा बुहारीले सासूलाई लछार पछार तथा कुटपिट गरी भुँइमा पछार्दा ढलानमा टाउको ठोकी घटनास्थलमै मृत्यु भएको हुनसक्ने प्रहरी निरीक्षक भट्टराईले बताए।
प्रहरीले बुहारी सुन्तली तामाङलाई राति नै पक्राउ गरेको छ।घटनाबारे थप अनुसन्धान भइरहेको प्रहरी निरीक्षक भट्टराईले बताए।
