वरुण बेभरेजविरुद्ध कर छली मुद्दा, एक अर्ब ९४ करोड ८८ लाख माग

झुटा तथा नक्कली भ्याट बिल प्रयोग गरेर कर छली गरेकाे भन्दै काठमाडौं जिल्ला अदालतमा मुद्दा दायर

राजस्व अनुसन्धान विभागले पेप्सीलगायत पेय पदार्थ उत्पादन गर्ने बहुराष्ट्रिय कम्पनी वरुण बेभरेजविरुद्ध मूल्य अभिवृद्धि कर (भ्याट) छलीमा एक अर्ब ९४ करोड ८८ लाख मागदाबीसहित मुद्दा दायर गरेको छ।

झुटा तथा नक्कली भ्याट बिल प्रयोग गरेर ६४ करोड ९६ लाख रुपैयाँ बिगो तथा बिगोको दोब्बर जरिबाना माग गर्दै बिहीबार काठमाडौं जिल्ला अदालतमा मुद्दा दायर भएको हो।

विक्रेता र क्रेताबीचको बिलबिजक आपसमा नमिलेको (मिसम्याच) पाइएपछि विभागले अनुसन्धान थालेको थियो। आव ०७०/७१ देखि ०७५/७६ सम्म भ्याट र भ्याट छली गरेर आम्दानी बढाई बढी लाभांश वितरण गरेको भन्दै आयकरतर्फ लाभांशसमेत गरी ६४ करोड ९६ लाख रुपैयाँ कर छली गरेको विभागको अनुसन्धानमा देखिएको छ।

राजस्व छलीमा वरुण बेभरेज प्रालि र यसका तत् समयदेखि सञ्चालकहरू अमित गुप्ता, रविकान्त जयपुरिया, रोहित कोहली, प्रबिनकुमार अग्रवाल, विनोदकुमार सिंह र अशोककुमारसहित सातलाई विपक्षी बनाई मुद्दा दायर गरिएको राजस्व अनुसन्धान विभागका महानिर्देशक दीर्घराज मैनालीले बताए। उनीहरूलाई बिगोको दोब्बरसम्म जरिबाना तथा तीन महिना कैद सजाय माग गरिएको छ।

विभागले वरुण बेभरेज प्रालिबाट एक अर्ब ६० करोड रुपैयाँको बैंक जमानत लिई मुद्दा दायर गरेको हो। ‘वरुण बेभरेजले कारोबार देखाएका कम्पनीसँग वास्तविक रूपमा मालवस्तु खरिद नै नगरी झुटो र नक्कली भ्याट बिल बनाएर भ्याट छली गरेको पाइयो,’ विभागका एक अनुसन्धान अधिकृतले भने।

महानिर्देशक मैनालीका अनुसार विभागले ११ अर्ब रूपैयाँ राजस्व छलीको अनुसन्धान टुंग्याइसकेको छ। यीमध्ये अधिकांशको मुद्दा दायर भइसकेको छ। केही मुद्दा दायर हुने क्रममा छन्। नक्कली भ्याट बिल कारोबारमा उच्चतम कारोबार गर्नेमा बहुराष्ट्रिय कम्पनी वरुण बेभरेज एक हो।

फर्महरूको खरिद खाता र बिक्री खातामा कारोबार गरेका कम्पनीसँगको कारोबार भिडाएर हेर्दा उक्त कारोबार नमिलेपछि उनीहरू भ्याट छलीको दायरामा आएका हुन्। राजस्व अनुसन्धान विभागका अनुसार यसमा १२५ विक्रेताले कारोबार देखाएका नौ सय खरिदकर्ता फर्म छन्।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View all articles by
शुक्र, पुस ४, २०७६ (December 20, 2019, 7:59 am) मा द्वारा अदालत / कानुन अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै