NayaMedia

Advertisment

SKIP THIS
पैदलयात्रु

चालक पृथ्वीलाई ३ देखि १० वर्षसम्म सजाय माग

काठमाडौँ । पैदलयात्रुको ज्यान जाने गरी गत मङ्सिर २८ गते बूढानिलकण्ठमा भएको कार दुर्घटनाका मुख्य प्रतिवादी पृथ्वी मल्लविरुद्ध काठमाडौँ जिल्ला अदालतमा दायर गरेको अभियोगपत्रमा ३ देखि १० वर्षको सजाय माग गरिएको छ ।

मल्ललाई सवारी तथा यातायात व्यवस्था ऐन, २०४९ को दफा १६१ को उपदफा (२) बमोजिमको कसूर अपराधमा सोही ऐनको दफा १६१ को उपदफा (२) बमोजिम सजाय हुने माग दाबी गरिएको हो ।

मल्लले मादक पदार्थ सेवन गरी चलाएको कारले सडकको पेटीमा हिँडिरहेकी पैदलयात्रु लिला देवकोटाको मृत्यु भएको थियो ।

सवारी तथा यातायात व्यवस्था ऐन, २०४९ को दफा १६१ अनुसार ‘मार्न सक्छ भन्ने अवस्था देखिँदा देखिँदै पनि अपनाउनु पर्ने सतर्कता नअपनाई कसैले लापरवाही गरी कुनै सवारी चलाएबाट कुनै मानिसलाई किची, ठक्कर लागि वा कुनै किसिमले सवारी दुर्घटना भई सवारीमा रहेको वा सवारी बाहिर जुनसुकै ठाउँमा रहे बसेको मानिस त्यस्तो दुर्घटनाको कारणबाट तत्कालै वा सोही चोटको परिणाम स्वरुप २१ दिनभित्र मरेमा त्यसरी सवारी चलाउने व्यक्तिलाई कसूरको मात्रा अनुसार तीन वर्षदेखि १० वर्षसम्म कैद र ३० हजार रुपैयाँ देखि १ लाख रुपैयाँसम्म जरिवाना हुने’ व्यवस्था रहेको छ ।

पृथ्वीका पिता मदन कुमार मल्ले पीडित परिवारलाई किरीया खर्च क्षतिपुर्ती बीमा बापतको साढे ५ लाख रुपैयाँ बुझाएको पनि अभियोग पत्रमा उल्लेख गरिएको छ । जिल्ला प्रशासन कार्यालय काठमाडौँ मार्फत मृतकका श्रीमान् रामकुमार देवकोटाले उक्त रकम बुझेको पत्रमा उल्लेख छ ।

अभियोगपत्रमा अपराध पीडित संरक्षण ऐन, २०७५ को दफा ४१ बमोजिम कसूरदारबाट पीडित राहतकोषमा क्षतिपूर्ति शुल्क जम्मा गराउन पनि माग गरिएको छ ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View all articles by
बुध, पुस २३, २०७६ (January 8, 2020, 11:28 am) मा द्वारा अदालत / कानुन अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै