‘वामदेव मुद्दा’ को सुनुवाइ प्रधानन्यायाधीशसहितको संवैधानिक इजालसमा

सर्वोच्च अदालतले नेपाल कम्युनिष्ट पार्टी (नेकपा) का उपाध्यक्ष वामदेव गौतमविरुद्धको रिटको सुनुवाइका लागि संवैधानिक इजलास गठन गरेको छ ।

राष्ट्रपतिबाट राष्ट्रियसभा सदस्यमा मनोनित सांसद गौतमको योग्यतामाथि प्रश्न उठाउँदै सर्वोच्चमा परेको रिट निवेदनउपर सुनुवाइका लागि बुधबार प्रधानन्यायाधीश चोलेन्द्र शमशेर राणाको नेतृत्वमा संवैधानिक इजलास गठन गरिएको हो ।

५ सदस्यीय इजलासमान्यायाधीशहरु विश्वम्भरप्रसाद श्रेष्ठ, दीपककुमार कार्की, ईश्वरप्रसाद खतिवडा र हरिकृष्ण कार्की रहेका छन् । केही बेरमा यही इजालसमा मुद्दाको सुनुवाइ हुँदैछ।

अधिवक्ता दिनेश त्रिपाठी र बद्रीराज भट्टले गौतमलाई राष्ट्रियसभा सदस्य र मन्त्री नबनाउन माग गर्दै सर्वोच्च अदालतमा रिट दायर गरेका थिए ।यसअघि न्यायाधीश डा. आनन्दमोहन भट्टराईको इजलासले उपाध्यक्ष गौतमलाई मुद्दाको अन्तिम किनारा नलागेसम्म कुनै पनि जिम्मेवारी निर्वाह नगर्न आदेश जारी गरेको थियो।

वामदेवको मनोनयन विवाद अदालतमा पुगेपछि मन्‍त्रिमण्डल पुनर्गठनसमेत त्यसले प्रभावित गरेको छ। यो मुद्दाको टुंगो लागेपछि मात्रै मन्त्रिमण्डल फेरबदल गर्ने समझदारी दुवै अध्यक्षबीच भएको छ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
बुध, अशोज १४, २०७७ (September 30, 2020, 3:12 pm) मा द्वारा अदालत / कानुन अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै