काठमाण्डाै ।
काभ्रेपलाञ्चोककाे बेथानचोक गाउँपालिका- ३ नारायणस्थान डाँडामा शौचालय गएका एकजनाकाे भीरबाट लडेर मृत्यु भएको छ।
शनिबार राति करिब २ बजे शौचालय जाने क्रममा चिप्लेर भीरबाट लडेर धुलिखेल नगरपालिका-७ का २६ वर्षीय निरोज रिजालको मृत्यु भएको इलाका प्रहरी कार्यालय बनेपाका प्रहरी निरीक्षक योगेन्द्र तिमल्सिनाले जानकारी दिए। रिजाल धुलिखेल नगरपालिका–४ केयुको सूचना प्रविधिमा कार्यरत थिए।
करिब छ/सात सय मिटर तल खसेर अड्केको अवस्थामा प्रहरी र नेपाली सेनाको संयुक्त उद्धार टोलीले शव निकालेको हो। उनको शव परीक्षणका लागि धुलिखेल अस्पतालमा राखिएको प्रहरीले जनाएको छ। बेथानचोक नारायणस्थान घुम्नका लागि चारजनाको टोली शुक्रबार राति पुगेको र शौचालय जाने क्रममा सो घटना भएको प्रहरीले जनाएको छ।
