चितवन ।
पूर्व- पश्चिम महेन्द्र राजमार्गअन्तर्गत चितवनको राप्ती नगरपालिका- ४ भण्डारा नजिक खहरे पुलमा शनिबार बिहान सवा १० बजे बस र माइक्रोबस (ईभी गाडी) एकापसमा ठोक्किँदा सात जनाको मृत्यु भएको छ ।
चितवन प्रहरीले सात जनाको मृत्यु भएको पुष्टि गरेको हो । घाइतेहरूको भरतपुरका विभिन्न चारवटा अस्पतालमा उपचार भइरहेको चितवनका एसपी गोविन्द पुरीले जानकारी दिए ।
धनगढीबाट काँकडभिट्टा जाँदै गरेको प्रदेश १–०१–००१ ख ३५८३ नम्बरको बस र मकवानपुरबाट नारायणगढतर्फ गइरहेको बागमती प्रदेश ०३–००१ ज २९९ नम्बरको माइक्रोबस ठोक्किँदा दुवै सवारी साधनमा सवार करिब १४/१५ जना घाइते भएका हुन् । उनीहरूलाई उपचारका लागि भरतपुर पठाइएको चितवन प्रहरीले जनाएको छ ।
