NayaMedia

Advertisment

SKIP THIS

बेपत्ता दुई बालकमध्ये एकको शव फेला, अर्का अझै बेपत्ता

केहि दिन अघिदेखि  प्रदेश ५ भित्रका  दुई जिल्लामा बेपत्ता दुई बालकहरु मध्ये एकजनाको मंगलवार कालिगण्डकी नदि किनारमा शव फेला परेको छ भने अर्का बालक अझै बेपत्ता रहेका छन् ।    असोज २ गते विद्यायय समयपछि घर फर्किदै गरेका पाल्पा रामपुर नगरपालिका– ८, रानीवासका १६ वर्षीय शैलेन्द्र अर्याल बेपत्ता भएका थिए ।

उनको शव मंगलबार साँझ साविक नवलपरासीको बुलिङ्गटारस्थित कालीगण्डकी नदीमा डुबेको अवस्थामा फेला परेको हो । जिल्ला प्रहरी कार्यालय नवलपुरका प्रमुख एसपी रमेश थापाले नदीमा डुबेको अवस्थामा उनको शव फेला परेपछि पाल्पा प्रहरीको जिम्मा लगाएको बताए ।

पाल्पाको आनन्द निकेतन विद्याश्रममा कक्षा १० मा पढ्ने शैलेन्द्र साँझसम्म घर नफर्किएपछि परिवारजनले खोजतलास सुरु गरेका थिए । शैलेन्द्रको शव रामपुर अस्पतालमा पोष्टमार्टम गरी परिवारलाई बुझाईएको र उनको मृत्युबारे थप अनुसन्धान भैरहेको प्रहरीले जनाएको छ ।

त्यस्तै मामा घरमा बसेर पढ्ने रुपन्देही तिलोत्तमा नगरपालिकाका एक बालक शनिवार बिहान ट्युशन पढ्न हिँडेदेखि बेपत्ता भएका छन । तिलोत्तम–१ मा रहेको दुर्गादत्त शंकरनगर मावि कक्षा १० मा अध्यानरत १५ वर्षीय बालक युनिस गिरी शनिवार बेपत्ता भएका हुन् । परिवारजन र रुपन्देही जिल्ला प्रहरी मातहतका प्रहरीहरुले दैनिक खोजताल गर्दा पनि उनी अझै फेला पर्न सकेका छैनन् ।

ईलाका प्रहरी कार्यालय बुटवलका प्रमुख डिएसपी डिल्ली मल्लका अनुसार बेपत्ता बालकको खोजीका लागि परिवारजनले वडा कार्यालय रामनगरमा उजुरी दिएका छन् । बेपत्ता बालकको खोजी कार्य तीब्र पारिए पनि फेला पर्न सकेका छैनन् ।

गिरी सानै उमेरदेखि सोही वडाको चपरहट्टीस्थित मामाको घरमा बसेर पढ्दै आएका थिए । शनिबार विहान ७ बजेतिर युनिस निलो जिन्स पाईन्ट, सेत धर्के सर्ट र चप्पल लगाएर ट्युशन पढ्न हिँडेका थिए ।

यो सामाग्री पढेर तपाईलाई कस्तो महसुस भयो ?

View all articles by
बुध, अशोज १०, २०७५ (September 26, 2018, 4:24 pm) मा द्वारा अपराध अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै