सोमवार, फाल्गुन १२, २०७६, काठमाण्डाै ।
प्रधानमन्त्री केपी शर्मा ओलीलाई कालो झण्डा देखाउन खोज्ने ६ जनालाई प्रहरीले पक्राउ गरेको छ । प्रदेशस्तरीय कार्यकर्ता भेला र कार्यकर्ता प्रशिक्षण कार्यक्रमका लागि सोमबार दिउँसो प्रधानमन्त्री ओली पोखरा गएका थिए ।
पोखरास्थित जनप्रिय क्याम्पस परिसरमा समाजवादी पार्टी निकट समाजवादी विद्यार्थी युनियन र प्रमुख प्रतिपक्ष कांग्रेस निकट नेपाल विद्यार्थी संघका कार्यकर्ताले उनलाई कालोझण्डा देखाउने प्रयास गरेका हुन् ।
उनीहरुले नाराबाजी गर्दै प्रधानमन्त्रीलाई कालोझण्डा देखाउन प्रयास गरेपछि प्रहरीले पक्राउ गरेको हो । प्रक्राउ पर्नेमा ६ जना विद्यार्थी नेता रहे पनि उनीहरुको नाम सार्वजनिक हुन नसकेको प्रहरीले जनाएको छ ।
सोमबार नेकपाको गण्डकी प्रदेशस्तरीय प्रशिक्षण कार्यक्रम पोखराको सभागृहमा आयोजना हुँदैछ ।
